Turkiya seriallari eksport bo‘yicha AQSHdan keyin dunyoda ikkinchi o‘rinda turadi va uning mahsulotlarini butun dunyo bo‘ylab 650 million kishi tomosha qiladi. Biz eng mashhur loyihalarning nomini bilamiz, seriallarda rol ijro etgan aktyorlar va ular ishtirokidagi premyeralarni intiqlik bilan kutamiz. Biroq ba’zan sevimli seriallarimizdagi epizodlar soni va davomiyligi me’yoridan oshib ketadi va ularni ko‘rish uchun har doim ham vaqt bo‘lmaydi. Ammo o‘qish va mashg‘ulotlar tugadi, yozgi ta’til qizg‘in pallada. The Voice nashri bo‘sh vaqtingizni maroqli o‘tkazishga yordam beradigan beshta ko ‘p qismli turk seriallari haqida ma’lumot berdi.
“Afsona”
Sujetda bosh qahramon Oqqiz ko‘p yillar oldin oila a’zolaridan ayrilgan — uning yaqinlarini makkor Alpagutxon o‘ldirgan. Kunlardan bir kun Oqqiz undan qasos olishga qasam ichadi. U o‘zini himoya qilish uchun tezroq voyaga yetishi va dushmanlariga qarshi turishni o‘rganishi kerak edi. Keyinchalik yengilmas bosh qahramon xonning mol-mulkini o‘g‘irlab, kambag‘allarga beradi va xalq uni o‘z himoyachisi sifatida ko‘radi. Qasos olish vaqti kelganda, taqdir Oqqizning rejalariga aralashadi — u Xonning o‘g‘li Batug‘ bilan uchrashadi va juftlik o‘rtasida haqiqiy his-tuyg‘ular paydo bo‘ladi.
“Oila uchun”
Shuhratparast, ishbilarmon Akif uy bekasi bilan kelishmovchiliklarga duch keladi. U janjalni bostirmoqchi bo‘ladi, biroq bu voqealarning oxiri nima bilan tugashini taxmin qilmaydi. Akifning aybi bilan to‘rt nafar bola yetim qoladi. Ishsiz yigit Qodir, o‘rta maktabda o‘qiyotgan egizaklar Asiye va O‘mer, hatto yosh Emel ham o‘zlariga va bir-birlariga g‘amxo‘rlik qilishni o‘rganadi. Moliyaviy muammolar tufayli ular qiyinchiliklarga duch keladi va Akif ularga bu holatdan chiqishiga yordam beradi. U O‘mer va Asiyega xususiy maktabga kirishiga ko‘maklashadi. Bu yerda kambag‘al va boylar, jinoyatchilar va qurbonlarning taqdiri bir-biriga bog‘lanadi. Serialda qahramonlarning murakkab vaziyatlardan qanday chiqishi ko‘rsatib berilgan.
“Qo‘rg‘on sirlari”
Kelishgan yigit Ferit badavlat oilada voyaga yetadi va istagan ishini qilishga odatlangan bo‘ladi. Ko‘p ziyofatlar, yangi qizlar bilan tanishish — bu kelajak yoki hayotdagi biror-bir yutuqlar haqida qayg‘urmaydigan yigitning odatiy kundalik hayoti. Feritning bu xatti-harakati bobosi, hurmatga sazovor tadbirkor Xolis og‘ani ranjitadi. U o‘z oilasini boqish va munosib mavqega erishish uchun ko‘p mehnat qiladi va har bir topilgan tanganing qadrini biladi. Politsiyachilar Feritning uyiga tintuvga kelganlarida, Xolis og‘a nevarasining taqdirini o‘z qo‘liga olishi kerakligini tushunadi. U Feritga ona shahri Antepdan munosib kelin topishga qaror qiladi. Go‘zal Seyran bu borada yaxshi tanlov bo‘ladi. Serialda ikki oila bilan bog‘liq sirlar, munosabatlar haqida hikoya qilinadi. “Qo‘rg‘on sirlari” — biz o‘rganib qolgan odatiy romantik serial emas. U psixiatr Gulseren Budayjio‘g‘lining kitobi asosida real voqealarga asoslangan.
“Sizdan go‘zalroq”
25 yoshli Efsun chet elda shifokor bo‘lib ishlaydi. Kunlardan bir kun kelishgan notanish kishi uning oldiga qimmatbaho mashinada keladi. Efsun “oq otli shahzoda” ortidan yugurmaydi: birinchidan, uning boshqa shahzodalari bor, ikkinchidan, u onasining xabarchisi bo‘lib chiqadi. Bu ishbilarmon ayol ko‘p yillar oldin turmush o‘rtog‘i va qizini tashlab ketgan. Efsun ishini vaqtincha Istanbul go‘zallik klinikasida davom ettirishga qaror qiladi. Biroq u qiyinchiliklarga duch keladi, sababi o‘ziga ishongan jarroh ayol Emir bilan til topishishi kerak bo‘ladi.
“Oila”
Devin va Aslanning taqdir yo‘llari Izmirga sayohat paytida tasodifan kesishadi. Aslan sirli klub biznesiga ega bo‘lgan boy oilaning merosxo‘ri, Devin esa o‘z yo‘lini topishga va singlisiga g‘amxo‘rlik qilishga majbur. Turli joydan kelgan, tasodifan uchrashib qolgan insonning umumiy muammosi bor — bu oilaviy qiyinchiliklar. Devin Aslanga psixolog sifatida maslahat bera boshlaydi. Ularning bir-biriga bo‘lgan his-tuyg‘ulari mafiyaga ham zarba bera oladigan kuchga aylanadi. Biroq Aslanning qudratli qarindoshlari uning hayotini murakkablashtirishga harakat qiladi.
Izoh (0)