Kinotavsiya: Birinchi soniyasidan to so‘ngiga qadar tomoshabinni ekran qarshisiga mixlab qo‘yadigan yangi turk seriallari

Turk seriallari o‘ziga xos rang-barangligi va murakkab sujetlari bilan dunyoni sekin-asta zabt etmoqda.

“Vidolashuv maktubi”

Badavlat oilaning qizi Alanur Ziyo ismli oddiy yigitni sevib qoladi. Qahramonning ota-onasi bunga qat’iyan qarshi, lekin qiz sevgisi uchun har qanday qurbonlikka tayyor. Ammo Alanur sevgilisidan vidolashuv xatini olganida birga yashash haqidagi orzulari chil-parchin bo‘ladi. Ziyo sababini tushuntirmasdan qochib ketgandi.

Yillar o‘tadi, birinchi sevgi o‘tmishda qolgan, Alanur ham oila quradi. Bo‘lajak kuyovining ota-onasi bilan uchrashguncha hammasi yaxshi edi, ammo yigitning otasi Ziyo bo‘lib chiqadi — eski tuyg‘ular yana alangalanadi. Alanur va Ziyo uzoq yillik gina-kuduratni yengib, farzandlarining birga bo‘lishiga imkon beradimi?

Janr: drama.

Rollarda: Nurgul Yeshilchay, Selim Bayraktar, Rabiya Soyturk.

“Oila”

Aslan — g‘amgin va sirli odam, shuningdek, nufuzli oilaning merosxo‘ri. Devin — kambag‘allikda o‘sgan qiz. U kenja singlisini tarbiyalaydi, psixolog bo‘lib ishlaydi va hayotda o‘z yo‘lini o‘zi topishga majbur.

Taqdir bu ikkalasini safarda uchrashtiradi, taqdir taqozosiga ko‘ra Devin Aslan bilan psixolog sifatida ishlaydi. Ular yaqinlashib, bir-birini sevib qolishadi. Endi yoshlar o‘z baxtlari uchun kurashishlari kerak, chunki boy merosxo‘rning oilasi Aslanning tanlovidan mamnun emas.

Janr: drama, romantika, jinoyat.

Rollarda: Kivanch Tatlitug‘, Serenay Sarikaya, Nur Surer.

“Klyukva sharbati”

Serial nafaqat Dog‘a va Fotihning sevgisi, balki turli qarash va qadriyatlarga ega bo‘lgan ikki oilaning to‘qnashuvi haqida ham hikoya qiladi. Bosh qahramonning onasi qizini zamonaviy va ilg‘or muhitda tarbiyalagan bo‘lsa, kuyovning oilasi har doim konservatizm va qattiqqo‘llikda yashagan.

Aytish mumkinki, bu film har qanday an’anaviy jamiyatning muammolariga to‘g‘ri keladi, chunki ko‘p hollarda yosh avlod eskirgan poydevorlardan voz kechishga tayyor, katta avlod esa ma’lum qoidalar bilan yashashga o‘rganib qolgan.

Janr: drama, romantika.

Rollarda: Baris Kilich, Evrim Alasya, Sila Turkog‘lu.

“Qo‘rg‘on sirlari”

Seyran va opasi Suna bolalikdan zolim otasining zo‘ravonligiga chidashga majbur. Singlisi universitetda o‘qishni va mustaqil bo‘lishni xohlasa, opasi har doim muvaffaqiyatli turmush qurishni orzu qilgan. Va nihoyat, to‘ng‘ich qizga sovchilar keladi.

Istanbullik nufuzli va boy oilaning merosxo‘ri Ferid Korxon so‘nggi lahzada Sunaga emas, singlisiga uylanmoqchi ekanligini e’lon qiladi. Seyran uyini va sevgilisini tashlab ketishga majbur. U Korxonlar qo‘rg‘onida oilaning obro‘sini himoya qilishi, erining muhabbati uchun kurashishi va nafaqat Feridni, balki o‘zini ham o‘zgartirishi kerak.

“Qo‘rg‘on sirlari” — biz o‘rganib qolgan odatiy romantik serial emas. U psixiatr Gulseren Budayjio‘g‘lining kitobi asosida real voqealarga asoslangan.

Janr: drama, romantika

Rollarda: Afra Sarachog‘lu, Mert Ramazan Demir, Gulchin Santirjiog‘lu.

“Guljamol”

Qahramon yigitning hayoti boshidanoq qiyinchilik va sinovlarga to‘la: onasi uni va singlisini erta bolaligida boshqa erkakni deb tashlab ketgan. Guljamol barcha qiyinchiliklarga qaramay, muvaffaqiyatli va boy odam bo‘ladi. Ona shahriga qaytib, u faqat bitta maqsadni ko‘zlaydi — onasidan o‘ch olish. Ammo onasining asrab olgan qiziga oshiq bo‘lgach, hammasi o‘zgaradi.

Janr: drama.

Rollarda: Murat Yunalmish, Melis Sezen, Edip Tepeli.

“Qush parvozi”

Filmda ko‘tarilgan asosiy muammo avlodlar o‘rtasidagi ziddiyatdir. Bosh qahramon yosh qiz Asla misolida muvaffaqiyatga erishish yo‘lidagi barcha qiyinchiliklarni yengib o‘tish lozimligi ko‘rsatiladi.

Janr: drama.

Rollarda: Birje Akalay, Miray Daner, Ibrohim Chelikkol.

“Mening ismim Farah”

Farah — eronlik yosh shifokor ayol. U o‘g‘lini yolg‘iz tarbiyalaydi, farzandiga davolab bo‘lmas tashxis qo‘yilgach, uni Turkiyaga olib ketishga qaror qiladi.

Chet elda to‘lovlarni to‘lashga majbur bo‘lgan qahramon farrosh bo‘lib ishga kiradi. Yangi ish sarguzasht va xavfga to‘la. Ammo Farah oila farovonligi uchun hamma narsaga tayyor.

Janr: Jinoyat, drama, triller.

Rollarda: Engin Akyurek, Demet Ozdemir, Firat Tanish.

“Shohmaron”

Sujet Shohmaron – yarmi ayol, yarmi ilon haqidagi turkiy afsonaga asoslangan. Ilonlar malikasi bezovta qilinmaguncha yerosti mamlakatida yolg‘iz yashaydi. Film voqealari barcha sirlarni tushunish uchun bobosi bilan uchrashish maqsadida shaharga kelgan Shohsu ismli qahramon atrofida aylanadi.

Janr: triller, romantika, sarguzasht, fantastika.

Rollarda: Serenay Sarikaya, Burak Deniz, Mustafa Uurlu.

“Qonli gullar”

Muayyan sharoitlarga ko‘ra, Dilan va Burak o‘zaro nikoh qurishga majbur bo‘lishadi. Ikkalasida ham bir-biriga nisbatan his-tuyg‘ular yo‘q. Ularning orzulari va hayotga qarashlari butunlay boshqacha, ammo endi ular bir uyda yashashlari va er va xotin rollarini o‘ynashlari kerak. Keyinchalik umumiy dushman paydo bo‘lganda, turmush o‘rtoqlar birlashadi. Ular haqiqiy oila qura oladimi yoki har biri o‘z yo‘lidan boradimi?

Janr: drama.

Rollarda: Ekrem Aral Tuna, Nuray Sherefog‘lu, Baris Bektosh.