O‘zbekistonda DXSh loyihalarini ishlab chiqish jamg‘armasi tashkil etildi. Prezident qarori bilan Iqtisodiyot va moliya vazirligining bu boradagi takliflari ma’qullandi.
Qayd etilishicha, vazirlikning O‘zbekistonda davlat-xususiy sheriklik loyihalarini ishlab chiqish jamg‘armasini tashkil etish va uning asosiy vazifalari sifatida energetika, kommunal xo‘jalik, transport, ekologiya, sog‘liqni saqlash, taʼlim va boshqa ustuvor sohalarda davlat-xususiy sheriklik loyihalari hujjatlarini sifatli ishlab chiqishni belgilashga oid takliflari ma’qullandi.
Shuningdek:
- davlat-xususiy sheriklik loyihalaridan kelib chiquvchi davlatning to‘g‘ridan to‘g‘ri va shartli majburiyatlarini monitoring qilish, boshqarish va tartibga solish tizimini amaliyotga tatbiq etish;
- davlat budjeti loyihasini shakllantirish va ijrosi bo‘yicha hisobotlarda budjet xarajatlarining barqaror rivojlanish milliy maqsadlariga muvofiqligi va iqlim o‘zgarishiga taʼsirini ko‘rsatib borish (markirovkalash) mexanizmlari joriy etiladi.
Iqtisodiyot va moliya vazirligi ikki hafta muddatda:
- xalqaro moliya institutlarini jalb qilgan holda O‘zbekistonda davlat-xususiy sheriklik loyihalarini ishlab chiqish jamg‘armasi faoliyatini samarali tashkil etish bo‘yicha prezident qarori loyihasi;
- davlat-xususiy sheriklik loyihalaridan yuzaga kelishi mumkin bo‘lgan davlatning majburiyatlarini boshqarish va tartibga solish mexanizmlarini belgilovchi hukumat qarori loyihasi;
- 2024-yil 1-yanvarga qadar davlat budjeti xarajatlarining barqaror rivojlanish milliy maqsadlariga muvofiqligi va iqlim o‘zgarishiga taʼsirini ko‘rsatib borish (markirovkalash) mexanizmlarini joriy etish bo‘yicha hukumat qarori loyihasi kiritilishini taʼminlaydi.
Izoh (0)