Qoraqalpog‘iston Respublikasi Ekologiya vazirligi va Falcon hunting solutions kompaniyasi tomonidan 1002 ta yo‘rg‘a tuvaloq qushi Qo‘ng‘irot tumanidagi “Borsakelmas” va “Jasliq” hududlariga qo‘yib yuborildi. Bu haqda Ekologiya, atrof-muhitni muhofaza qilish va iqlim o‘zgarishi vazirligi xabar berdi.
Tuvaloq yo‘qolib ketish xavfi ostida turgan noyob qush hisoblanadi va O‘zbekiston Qizil kitobi hamda xalqaro Qizil kitobga kiritilgan.
Ayni paytda O‘zbekistonda bu noyob qushlarni maxsus pitomniklarda ko‘paytirib, tabiat bag‘riga qo‘yib yuborish ishlari yo‘lga qo‘yilgan.
2022-yilning aprel oyida 504 ta, iyunda esa 402 ta yo‘rg‘a tuvaloq Ustyurt tekisligiga qo‘yib yuborilgandi. Maʼlumot uchun, Qoraqalpog‘iston Respublikasida 2017-yildan bugunga qadar jami 15 ming 753 bosh yo‘rg‘a tuvaloq tabiatga uchirilgan.
2023-yilning fevralida bo‘lsa Jizzax va Samarqand viloyatlarida katta tuvaloq (otis tarda) qushi qishlayotganini aniqlangan edi.
Izoh (0)