Avstraliyaning Sidney shahrida O‘zbekiston vaqti bilan 10-sentabr tongida UFC 293 musobaqasi o‘tkazildi.
Musobaqaning markaziy jangi o‘rta vazn toifasida UFC chempioni, nigeriyalik Israel Adesanya hamda amerikalik da’vogar Shon Striklend o‘rtasida kechdi. 5 raundlik jang to‘liq davom etdi va unda hakamlarning yakdil qarori bilan 49:46, 49:46, 49:46 hisobida Striklend g‘alaba qozonib, o‘rta vazn chempioniga aylandi.
UFC prezidenti Dana Uayt ushbu jang haqida fikr bildirarkan, Shon Striklend va Israel Adesanya o‘rtasida darhol revansh jangi o‘tkazishni taklif qildi:
“Revansh jangi haqida o‘ylayapmiz, bu juda qiziq bo‘ladi. Bunday janglar kerak. Biroq, javoblar qanaqa bo‘lishini bilmayman. Barchasi Israelga bog‘liq”, — deydi UFC rahbari.
Izoh (0)