Misrda tarixchilar Mark Antoniy va Kleopatraning uzoq vaqtdan beri yo‘qolgan qabrini topishga yaqinlashganini ma’lum qildi. Bu haqda Mirror xabar berdi.
Arxeologlarning fikriga ko‘ra, Iskandariyadan 18 mil uzoqlikda joylashgan Taposiris Magna yaqinidagi hududda juftlik birga dafn etilgan yashirin joyni topishga muvaffaq bo‘lishgan.
“Qabrning aniq joyini aniqlashga juda yaqinmiz; to‘g‘ri yo‘ldamiz. Aynan qayerni qazish kerakligini bilamiz”, — deydi ular.
Kleopatra VII Filopator Misrning so‘nggi qirolichasi. U va Mark Antoniy ilon ularni chaqishiga yo‘l qo‘yib, o‘z joniga qasd qilishgan degan keng qarash bor. O‘shanda Kleopatra 39 yoshda bo‘lgan.
Ammo ayrimlar uning o‘ldirilganini da’vo qiladi. Nemis olimlari esa arxiv hujjatlarini o‘rganib, Kleopatraning o‘limiga kobra chaqishi emas, balki afyun, zangpoya va akonitning zaharli aralashmasi sabab bo‘lganini ilgari surgan.
Qabrni topish mazkur ikkilanishlarga dalillar keltirishiga yordam berishi kutilmoqda. Mark Antoniy yoki Markus Antonius Rim siyosatchisi va generali bo‘lgan.
Izoh (0)