Amerikalik milliarder Ilon Mask AQSHni aslida Jo Bayden boshqarmasligini aytdi. U tegishli fikrni o‘zining X sahifasida bildirdi.
Milliarderning so‘zlariga ko‘ra, haqiqiy prezidenti Bayden emas, balki uning telesuflyorini boshqaradigan odamdir. Shu tariqa Mask respublikachi Bob Makkobbning Baydenni kim nazorat qilsa, u uzoq vaqtdan beri impichmentga loyiq, degan gapiga javob berdi.
“Haqiqiy prezident telesuflyorni boshqaradigan odamdir”, — deb yozadi milliarder.
Avvalroq Ilon Mask 2024-yilgi saylovlarda AQSH prezidentligi uchun kurashadigan nomzodlarning barchasini o‘z platformasiga taklif qilgandi. 80 yoshli Bayden ikkinchi muddatga prezidentlikka saylanish uchun kurashib ko‘rmoqchi.
“Men hammadan ko‘ra ko‘proq bu ish bilan shug‘ullanganman, sizning yordamingiz bilan buni davom ettirmoqchiman”, — degan u.
AQSH prezidenti Jo Bayden yoshi o‘tgan sayin tanqidchilar nima deyishidan qat’i nazar, uning donoligi ortib borayotganini aytgan.
“Gapimni eshiting. Ba’zilar Bayden qariyapti, deb aytishmoqda. Meni sizga aytadigan gapim shuki, yosh o‘tishi bilan birga insonning donoligi ham ortib boradi”, — dedi u mehnat bayrami munosabati bilan Filadelfiya shahridagi kasaba uyushmalari oldida so‘zlagan nutqida.
Izoh (0)