Misrning Kena provinsiyasida arxeologik qazishmalar paytida sfinks haykali topdi. Bu haqda mamlakat Turizm va qadimiy ashyolar vazirligi xabar berdi.
Qazishmalar Ayn Shams universitetining arxeologik missiyasi tomonidan olib borilgan. Arxeologik ekspeditsiya fevral oyining o‘rtalarida boshlangan va allaqachon bir qancha topilma aniqlangan. Mutaxassislar tomonidan Dendera ibodatxonalari majmuasi yaqinida olib borilgan tozalash ishlari davomida Rim imperiyasi davridagi pavilyon va sfinks haykali topilgan.
.jpg)
Olimlarning fikricha, Dendera ibodatxonasida aniqlangan haykalning yaratuvchilari Rim imperatori Klavdiydan ilhomlangan bo‘lishi mumkin. Haykal ostida Rim imperiyasi davrida iyerogliflar bilan bo‘yalgan plita aniqlangan. Sfinks yuzi aniq aks etgan, jilmaygan labda bo‘yoq izlari saqlanib qolgan.
Topilma 20 metr balandlikdagi Giza piramida majmuasidagi sfinksdan ancha kichikroq. Bunday topilmalar odatda Misr hukumati tomonidan ko‘proq sayyohlarni jalb qilish umidida e’lon qilinadi, bu naqd pul taqchilligidagi mamlakat uchun muhim valyuta manbaidir.
Izoh (0)