Janubiy Koreya aviakompaniyalari samolyotga chiqishdan oldin yo‘lovchilarning og‘irligini o‘lchashni boshlaydi. Bu haqda CNN xabar berdi.
Janubiy Koreya transport vazirligi yo‘lovchilarni samolyotga chiqishdan oldin tarozidan o‘tkazishni buyurdi. Ushbu qoida mamlakatdagi barcha yo‘lovchi tashuvchilari uchun amal qiladi.
“Sayohatchilarning majburiy og‘irligini tortish kompaniyalarga samolyot bortida og‘irlikni teng taqsimlashda yordam berishi kerak, bu yonilg‘i tejash va parvozlar xavfsizligini yaxshilash imkonini beradi”, — deyiladi xabarda.
Korean Air ortiqcha vazn uchun qo‘shimcha to‘lov olinmasligi, olingan barcha ma’lumotlar anonim bo‘lib, faqat statistik ma’lumotlarni yig‘ish uchun xizmat qilishini ta’kidladi.
Mamlakat Transport vazirligi ma’lumotlarni qayta ishlaydi va tashuvchilardan olingan ma’lumotlarni tahlil qiladi. Og‘irlikka tortish tartibi hozircha ixtiyoriy bo‘lib, undan voz kechish mumkin.
Korean Air rasmiylarining ta’kidlashicha, bunday ma’lumotlar layner kabinalarida yukni to‘g‘ri taqsimlash va yonilg‘i sarfini kamaytirish hisobiga har yili bir milliard dollargacha tejash imkonini beradi.
Izoh (0)