Rossiyada 21-avgustdan 27-avgustgacha bo‘lgan hafta davomida koronavirus bilan kasallanish darajasi o‘tgan haftaga nisbatan 19,6 foizga oshdi. Bu haqda “Interfaks” agentligi Koronavirus infeksiyasiga qarshi kurash bo‘yicha tezkor shtabga tayanib ma’lum qildi.
“Yangi koronavirus infeksiyasi bilan kasallanish darajasi har 100 ming kishiga 2,82 nafarni tashkil etdi va o‘tgan haftaga nisbatan 19,6 foizga oshdi. Kasallikning o‘sishi Rossiya Federatsiyasining 46 ta hududida, shu jumladan, 18 ta tumanida qayd etilgan. Bu o‘rtacha ko‘rsatkichdan ko‘ra yuqori hisoblanadi”, — deyiladi operativ shtab xabarnomasida.
Maʼlumotlarga ko‘ra, o‘tgan haftada 11 kishi halok bo‘lgan. 14-avgustdan 20-avgustgacha bo‘lgan davrda esa kasallanish 16,1 foizga oshib, o‘lim holati 34 tani tashkil etgandi.
Hafta davomida koronavirus tufayli kasalxonaga yotqizilganlar soni 1035 tani tashkil etib, o‘tgan haftaga nisbatan 3,3 foizga oshgani xabar qilinmoqda.
Izoh (0)