АПЛ. Бир киши кам бўлиб ўйнаган “Ливерпуль” Нуньеснинг дубли эвазига камбекни амалга ошириб, “Ньюкасл”ни мағлуб этди 

Футбол бўйича Англия Премьер Лигасининг 3-турида “Ливерпуль” 27 август, якшанба куни “Ньюкасл” меҳмони бўлди.

Учрашувнинг 25-дақиқасида Антони Гордон мезбонларни ҳисобда олдинга олиб чиқди. 28-дақиқада эса Виржил ван Дейк қизил карточка олиб, майдонни тарк этди ва ўйиннинг қолган қисмида мерсисайдликлар бир киши кам бўлиб ҳаракат қилди. 

Иккинчи бўлимда “қизиллар” рақиб дарвозаси томон хавфли вазиятларни яратишда давом этди. 81-дақиқада Дарвин Нуньес ўз ҳисобига гол ёздириб қўйди. Ҳакам қўшиб берган дақиқаларда эса Нуньес дублни расмийлаштириб, “Ливерпуль”нинг ғалабасини таъминлади. 

Юрген Клопп шогирдлари очколари сонини 7 тага етказди ва 4-ўриндан жой олди. “Ньюкасл” 3 очко билан 13-ўринда бормоқда.

АПЛ

3-тур

27 август, якшанба

“Ньюкасл” — “Ливерпуль” 1:2

Голлар: 1:0 – 25 Гордон, 1:1 – 81 Нуньес, 1:2 – 90+3 Нуньес.

“Ньюкасл”: Поуп, Триппьер, Шер, Ботман (Таргетт, 87), Берн, Бруно Гимараэс, Тонали (Лонгстафф, 72), Альмирон, Жоэлинтон (Андерсон, 82), Гордон (Барнс, 72), Исак (Уилсон, 72).

“Ливерпуль”: Алиссон, Александер-Арнолд, Матип (Куанса, 77), ван Дейк, Робертсон, Эндо (Эллиотт, 58), Собослаи, Мак Аллистер (Нуньес, 77), Салоҳ, Диас (Гомес, 33), Гакпо (Диогу Жота, 58).

Огоҳлантиришлар: Александер-Арнолд (6), Триппьер (51), Нуньес (85).