MLS. Lionel Messi chempionatda debyut qilgan o‘yinda “Inter Mayami” ishonchli hisobda g‘alaba qozondi (video)

Futbol bo‘yicha MLS chempionatida “Inter Mayami” 27-avgust tongida “Nyu-York Red Bulls” jamoasiga qarshi bahs olib bordi.

Uchrashuvning 37-daqiqasida Diyego Gomes “Inter Mayami”ni hisobda oldinga olib chiqdi. 60-daqiqada esa Lionel Messi Kampanyaning o‘rniga maydonga tushdi va MLSdagi debyutini o‘tkazdi. 89-daqiqada argentinalik hujumchi o‘z hisobiga gol yozdirib qo‘ydi. 

Shu tariqa “Inter Mayami” safarda ishonchli g‘alabani qo‘lga kiritdi va ochkolari sonini 21 taga yetkazdi. 

MLS

28-tur 

27-avgust, yakshanba

“Nyu-York Red Bulls” — “Inter Mayami” 0:2

Gollar: 0:1 – 37 Gomes, 0:2 – 89 Messi.

“Nyu-York Red Bulls”: Karlos, Reyes, Nilis, Tolkin, Fernandes (Kabesas, 76), Lukinyas, Yervud (Stroud, 46), Amayya (Berk, 66), Edelman, Harper (Karmona, 84), Elias Manoel (Barlou, 46).

“Inter Mayami”: Kellender, Miller, Allen, Alba, Gomes (Robinson, 84), Farias (Kremaski, 72), Arroyo, Ruis (Buskets, 60), Teylor (Yedlin, 60), Aviles Mankilla, Kampana (Messi, 60).

Ogohlantirishlar: Harper (11), Aviles Mankilla (20), Karlos (87).