“Toshshahartransxizmat” poytaxdagi 2-avtobus bekati hududida turgan elektrobuslar haydovchilarining mashinalarni quvvatlashdagi muammolardan shikoyat qilgan tasvirlangan videomurojaatiga munosabat bildirdi.
Ijtimoiy tarmoqlarda 19-avgust kuni Toshkent shahridagi 2-avtobus bekati hududida turgan elektrobuslar haydovchilarining mashinalarni quvvatlashdagi muammolardan shikoyat qilgan videomurojaati tarqalgandi. Videoda 10 ga yaqin haydovchining “tepadagi rahbarlar”ga murojaat qilib, muammolarini aytayotganini ko‘rish mumkin. Ularning so‘zlariga ko‘ra, haydovchilar har kuni ertalab soat 04:00−04:30 da ishga keladi, lekin mashinalar quvvatlanmagan bo‘ladi.
Qayd etilishicha, ushbu videomujaatdan so‘ng haydovchilar bilan uchrashuv tashkil etilgan.
“Murojaatimizdan keyin ertasi kun majlis o‘tkazib, boshqa avtoparklardagi “zaryadka” joylari bizga bo‘lib berildi. Hozir o‘zimizni grafikka ulguryapmiz, zaryadlash uchun ertalabgacha qolib ketmayapmiz. Oylik masalasiga kelsak, shu hafta oxirigacha tushirib berishni vaʼda qilishdi”, — dedi haydovchilardan biri.
May oyida Toshkent shahriga olib kelingan yangi elektrobuslarni zaryadlashda muammolar paydo bo‘lgani, transport vositalari grafik asosida bekatlarga o‘z vaqtida kelmayotgani to‘g‘risida xabar tarqalgandi. O‘shanda “Toshshahartransxizmat” AJ raisi Anvar Jo‘rayev “Daryo” muxbiriga bergan intervyusida ayrim elektrobuslar nega jadvaldan kech qolgani sababini tushuntirgan edi.
Izoh (0)