Toshkent shahar Mirzo Ulug‘bek tumanida yo‘lovchi avtobusi bilan to‘qnashgan Cobalt haydovchisi vafot etdi. Bu haqda shahar YHXB axborot xizmati xabar berdi.
Unga ko‘ra, holat 6-iyun kuni soat 15:20 larda Mirzo Ulug‘bek tumanida Do‘rmon yo‘li—G‘azalkent ko‘chalari kesishgan chorrahada sodir bo‘lgan. YTH natijasida Cobalt haydovchisi olgan tan jarohatlari natijasida tibbiy muassasaga olib borilgan.
Biroq tibbiyot xodimlarining sa’y-harakatlariga qaramasdan, Y.F. vafot etgan. Shuningdek, Cobalt avtomashinasining 1 nafar yo‘lovchisi ham olgan tan jarohatlari natijasida shifoxonaga yotqizilgan, hozirda shifokorlar nazoratida.
Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Tergov davom etmoqda.
Bu poytaxtda elektrobus bilan bog‘liq ilk holat emas. 5-iyun kuni soat 10:00 larda Yakkasaroy tumani Shota Rustaveli — Glinka ko‘chalari kesishgan chorrahada Lacetti, Malibu-2 va Yutong rusumli elektrobus ishtirokida ham YTH yuz bergan edi.