“Тошшаҳартрансхизмат” пойтахдаги 2-автобус бекати ҳудудида турган электробуслар ҳайдовчиларининг машиналарни қувватлашдаги муаммолардан шикоят қилган тасвирланган видеомурожаатига муносабат билдирди.
Ижтимоий тармоқларда 19 август куни Тошкент шаҳридаги 2-автобус бекати ҳудудида турган электробуслар ҳайдовчиларининг машиналарни қувватлашдаги муаммолардан шикоят қилган видеомурожаати тарқалганди. Видеода 10 га яқин ҳайдовчининг “тепадаги раҳбарлар”га мурожаат қилиб, муаммоларини айтаётганини кўриш мумкин. Уларнинг сўзларига кўра, ҳайдовчилар ҳар куни эрталаб соат 04:00−04:30 да ишга келади, лекин машиналар қувватланмаган бўлади.
Қайд этилишича, ушбу видеомужаатдан сўнг ҳайдовчилар билан учрашув ташкил этилган.
“Мурожаатимиздан кейин эртаси кун мажлис ўтказиб, бошқа автопарклардаги “зарядка” жойлари бизга бўлиб берилди. Ҳозир ўзимизни графикка улгуряпмиз, зарядлаш учун эрталабгача қолиб кетмаяпмиз. Ойлик масаласига келсак, шу ҳафта охиригача тушириб беришни ваъда қилишди”, — деди ҳайдовчилардан бири.
Май ойида Тошкент шаҳрига олиб келинган янги электробусларни зарядлашда муаммолар пайдо бўлгани, транспорт воситалари график асосида бекатларга ўз вақтида келмаётгани тўғрисида хабар тарқалганди. Ўшанда “Тошшаҳартрансхизмат” АЖ раиси Анвар Жўраев “Дарё” мухбирига берган интервьюсида айрим электробуслар нега жадвалдан кеч қолгани сабабини тушунтирган эди.
Изоҳ (0)