Kaliforniya janubida “Xillari” tropik bo‘roni paytida 5,1 magnitudali zilzila sodir bo‘ldi. Bu haqda Reuters xabar bermoqda.
Ma’lum qilinishicha, zilzila epimarkazi Los-Anjeles shimolida, Ventura okrugida joylashgan. Undan keyin bir nechta kichikroq silkinishlar kuzatildi.
“Hozircha vayronagarchilik va qurbonlar haqida ma’lumot yo‘q, ammo zilzila kuchi butun Ventura okrugida qattiq sezildi”, — deyiladi okrug hukumati bayonotida.
AQSHning sunamilarni kuzatish monitoringi xizmati zilzila oqibatida okeanda hech qanday xavf yo‘qligini ma’lum qildi.
AQSH prezidenti Jo Bayden fuqarolarni “Xillari” tropik bo‘roniga jiddiy qarashga chaqirdi. Ayni paytda bo‘ron kuchi zaiflashgan, ammo Kaliforniya rasmiylari uning ta’sirida rekord darajada yomg‘ir yog‘ishi va suv toshqinini prognoz qilmoqda.
Nyusom shtatida favqulodda holat e’lon qilinib, Milliy gvardiya qo‘shinlarini safarbar etildi.
Shimoliy Amerika va boshqa mintaqalarda zilzilalar
21-may kuni Kaliforniya shimolidagi qirg‘oqlarda 5,5 magnitudali zilzila sodir bo‘lgandi. AQSH Geologik xizmati ma’lumotlariga ko‘ra, zilzila 1 000 ga yaqin odam istiqomat qiladigan Petroliya aholi punktidan g‘arbda 10 kilometr chuqurlikda sodir bo‘lgan.
Unga qadar O‘rta Yer dengizida, Krit oroli yaqinida Rixter shkalasi bo‘yicha 4,3 magnitudali zilzila sodir bo‘lgan. Shuningdek, Kolumbiyada, mamlakat poytaxti Bogotadan 75 kilometr janubi-sharqda 4,8 magnitudali zilzila qayd etilgan.
Izoh (0)