Калифорния жанубида “Хиллари” тропик бўрони пайтида 5,1 магнитудали зилзила содир бўлди. Бу ҳақда Reuters хабар бермоқда.
Маълум қилинишича, зилзила эпимаркази Лос-Анжелес шимолида, Ventura округида жойлашган. Ундан кейин бир нечта кичикроқ силкинишлар кузатилди.
“Ҳозирча вайронагарчилик ва қурбонлар ҳақида маълумот йўқ, аммо зилзила кучи бутун Ventura округида қаттиқ сезилди”, — дейилади округ ҳукумати баёнотида.
АҚШнинг сунамиларни кузатиш мониторинги хизмати зилзила оқибатида океанда ҳеч қандай хавф йўқлигини маълум қилди.
АҚШ президенти Жо Байден фуқароларни “Хиллари” тропик бўронига жиддий қарашга чақирди. Айни пайтда бўрон кучи заифлашган, аммо Калифорния расмийлари унинг таъсирида рекорд даражада ёмғир ёғиши ва сув тошқинини прогноз қилмоқда.
Ньюсом штатида фавқулодда ҳолат эълон қилиниб, Миллий гвардия қўшинларини сафарбар этилди.
Шимолий Америка ва бошқа минтақаларда зилзилалар
21 май куни Калифорния шимолидаги қирғоқларда 5,5 магнитудали зилзила содир бўлганди. АҚШ Геологик хизмати маълумотларига кўра, зилзила 1 000 га яқин одам истиқомат қиладиган Петролия аҳоли пунктидан ғарбда 10 километр чуқурликда содир бўлган.
Унга қадар Ўрта Ер денгизида, Крит ороли яқинида Рихтер шкаласи бўйича 4,3 магнитудали зилзила содир бўлган. Шунингдек, Колумбияда, мамлакат пойтахти Боготадан 75 километр жануби-шарқда 4,8 магнитудали зилзила қайд этилган.
Изоҳ (0)