Kilian Mbappe “Real”ga ketish o‘rniga “PSJ” bilan uzoq yillik shartnoma imzolashi mumkin.
Le Parisien nashrining xabariga ko‘ra, 24 yoshli futbolchi madridliklar bilan hech qanday sirli kelishuvga erishmagan. U Parij klubi bilan shartnomani yangilaydi.
Parijliklar rahbariyati Kilianga transferlar bozorida ishonchli xaridlarni amalga oshirishni va’da bergan va ushbu vazifani bajardi. Endi esa Mbappe “PSJ” safida nafaqat 2023/24-yilgi mavsumda, balki undan uzoqroq ham qolishi mumkin.
Avvalroq Mbappe Parijda qoladigan bo‘lsa, madridliklar keyinchalik ham 24 yoshli futbolchi transferi borasidagi muzokaralardan voz kechishi xabar qilingandi.
Izoh (0)