Shveysariya Yevropa Ittifoqi tomonidan qabul qilingan Rossiyaga qarshi sanksiyalarning 11-paketiga qo‘shildi. Bu haqda Shveysariya hukumati – Federal kengash ma’lum qildi.
Bugun 16-avgustda Federal Kengash Rossiyaga qarshi yangi choralarni ma’qulladi va shu orqali Yevropa Ittifoqi tomonidan 11-sanksiyalar paketi bo‘yicha qabul qilingan cheklovlarga qo‘shildi, deyiladi kengash bayonotida.
Shu munosabat bilan Shveysariya Iqtisodiyot vazirligi “o‘z vakolatlari doirasida sanksiya rejimini Rossiyaning 100 dan ortiq yangi shaxs va tashkilotlariga qo‘llaydi”.
Xususan, Rossiyaning 87 ta korxonasiga ikkilamchi maqsadli, shuningdek, “Rossiyaning harbiy va texnologik jihatdan mustahkamlanishiga hissa qo‘shishi mumkin bo‘lgan” tovarlarni sotish taqiqlanadi.
Bu kompaniyalar orasida Rossiyaga ushbu turdagi mahsulotlarni yetkazib bergan uchinchi davlat korxonalari ham bor. Bundan tashqari, eksport qilish taqiqlangan kompaniyalar ro‘yxati kengaytirildi.
Ma’lumot uchun, Shveysariya NATO va Yevropa Ittifoqiga a’zo emas. Shunga qaramay, Ukrainada urush boshlanganidan beri Rossiyaga qarshi qo‘llanilayotgan sanksiyalarni qo‘llab-quvvatlab kelmoqda.
Izoh (0)