Istanbulda ikki oyga yetadigan suv zaxirasi qoldi — “A-haber” telekanali

Issiq va quruq yoz tufayli Istanbuldagi suv zaxiralari normaning 33,4 foizigacha kamaydi, bu 2014 yildan beri eng past ko‘rsatkichdir.

Oxirgi maʼlumotlarga ko‘ra, 16 millionlik shahardagi suv havzalarida suv 61 kunga yetadigan darajada qolgan, deb xabar berdi “A-haber” telekanali mahalliy meriya statistik maʼlumotlariga tayanib.

Ushbu maʼlumotlarga ko‘ra, metropoliyadagi 10 ta suv omboridan 6 tasida suv zaxirasi meʼyordan 20 foizga kamaygan. 

Meriya suv xo‘jaligi boshqarmasidan olingan ma’lumotlarga ko‘ra, shahar to‘g‘onlarida suv zaxirasi norma bo‘yicha 868,7 million kub metrni tashkil qilishi kerak. Hozir ular 290 million kub metrgacha kamaydi.

2014-yil avgust oyida vaziyat yanada og'irroq edi, o‘shanda suv zaxiralari 150 million kub metrni tashkil etgandi.

Istanbuldagi eng past suv sathi 2014-yilning mart oyida qayd etilgan bo‘lib, u meʼyorning 28,9 foizini tashkil qilgan.