Amerikalik aktrisa Natali Portman turmush o‘rtog‘i, raqqos Millpye bilan 11 yillik turmushidan keyin ajrashdi, deb xabar bermoqda “Korrespondent.net” nashri.
Xususan, Millpyening 25 yoshli ekofaol Kamil Etyen bilan xiyonatidan so‘ng, ijtimoiy tarmoq foydalanuvchilari mashhur juftlikning ajrashishini muhokama qila boshladi. Biroq manbalar aktrisa ajrashishga tayyor emasligini, oilasini saqlab qolish uchun kurash olib borishini ma’lum qilgan.
“Ishqiy munosabatlar paydo bo‘lgandan so‘ng, juftlik turmush qurishga harakat qildi, biroq hozir ular boshi berk ko‘chaga tushib qolgan”, — deydi insayder. Aktrisa ham, uning turmush o‘rtog‘i ham bu haqda rasmiy bayonot bermagan.
Natali Portman — AQSH va Isroil fuqaroligidagi aktrisa, film prodyuser, ssenariynavis va rejissor. U bir karra Akademiya mukofoti va ikki karra “Oltin globus” mukofoti sohibasi hisoblanadi. Natali Portman 1981-yil 9-iyunda Quddusda shifokor va aktrisa oilasida tug‘ilgan. Uning ota-onasi asli yahudiy bo‘lib, Natali tug‘ilishidan oldin Moldovadan Isroilga kelgan.
U 2010-yilda turmush o‘rto‘gi Millpye bilan unashtirilgan. Juftlikning ikki nafar: Alef ismli 11 yoshli o‘g‘li va olti yoshda bo‘lgan Amaliya ismli qizi bor. Aktrisa faoliyati davomida “Leon”, “Yulduzlar jangi”, “Sovuq tog‘” va bir qancha loyihalarda suratga tushgan.
Izoh (0)