Faoliyatini modellikdan boshlab, so‘ngra kino olamiga qadam qo‘ygan aktrisalar talaygina. Quyida shulardan ba’zilari haqida ma’lumot beramiz.
Gal Gadot
Gal Gadot muvaffaqiyatli aktrisalik karyerasidan oldin mashhur model bo‘lgan va hatto “Isroil go‘zali—2004” unvoniga sazovor bo‘lgan. Aktrisa bir necha yil davomida moda namoyishlarida qatnashganidan so‘ng, unga “Kvant tuhfasi” filmida suratga tushish taklif qilindi. Model ushbu loyihada Jeyms Bondning sevgilisi rolini o‘ynadi. Avvaliga Gadotning bu sohaga ishtiyoqi yo‘q edi, biroq u o‘zini sinab ko‘rishga qaror qildi.
“Men ularga huquq va xalqaro munosabatlar fakultetida tahsil olayotganimni aytdim. Aktrisa bo‘lish uchun juda jiddiy va aqlliman, ingliz tilidagi ssenariyni esa umuman yoqtirmasdim”, — deydi aktrisa.
Kasting yulduzi oxir-oqibat muvaffaqiyatsizlikka uchradi, biroq katta kino olamida mashhurlikka erishishga muvaffaq bo‘ldi va turli loyihalardagi rollarni faol ravishda sinab ko‘rishni boshladi.
Milla Yovovich
Milla qizil sochli Lilu rolidan oldin modellik maktabida o‘qigan. U 12 yoshidan boshlab loyihalarda faol ishtirok etdi va hatto o‘zi orzu qilgan martaba uchun maktabni tashlab ketdi. Biroq, taqdir boshqacha qaror qildi. Yovovichni 20 yoshdan oshganida “Beshinchi element” fantastik jangovar filmida suratga tushishga taklif qilishdi. Aynan ushbu loyiha Millaning mashhurlikka erishishiga yordam berdi.
Kemeron Dias
Kemeron maktabda o‘qib yurgan paytda, sinfdoshlari tomonidan kamsitildi. Aktrisaning sinfdoshlari uning tashqi ko‘rinishi, ozg‘inligi va bo‘yi balandligini tufayli masxaralagan. Biroq, bu nafaqat uning mashhur, balki yirik modellik biznesining bir qismi bo‘lishiga ham yordam berdi. Kemeron 16 yoshida birinchi shartnomasini imzoladi.
Kemeron besh yil davomida mashhur brendlarning “yuzi”ga aylandi. Biroq u 21 yoshida “Niqob” komedik filmida rol o‘ynashga qaror qildi. Bu ishni amalga oshirish u uchun oson bo‘lmadi. U 12 marta rejissorlarga munosib aktrisa ekanligini isbotlashi kerak edi. Loyiha premyerasidan so‘ng, aktrisa prodyuserlar e’tiboriga tushdi.
Rozi Xantington-Uaytli
Rozi Xantington-Uaytli — so‘nggi yillarning eng muvaffaqiyatli modellaridan biri. Roziga genetikasi omad keltirdi: to‘la lablar, uzun oyoqlar, katta ko‘zlar, bularning barchasi Xantington-Uaytlining yuqori darajadagi modelga aylanishiga yordam berdi. Biroq, Rozi tashqi ko‘rinishi nafaqat genining, balki o‘z harakatlarining natijasi ekanligini aytgan.
“O‘zimga bo‘lgan ishonchni oshirishga muntazam jismoniy mashqlar yordam beradi. Bu kunni muvaffaqiyatli boshlashning kaliti: siz o‘z tanangizga e’tibor qaratasiz, u uchun yaxshi ish qilasiz va boshingizdan tartibsizlik va keraksiz fikrlar chiqib ketadi”, — deydi model.
Rozi nafaqat modellik biznesida ajoyib muvaffaqiyatlarga erisha oldi, balki kino ham uning ijodiy salohiyatini yuksaltirgan maydonga aylandi. U bir nechta muvaffaqiyatli kastinglardan so‘ng bu sferani yoqtirib qoldi. Bundan tashqari, u asosiy sohasi hisoblangan modellikda ham faoliyat yuritadi.
Kara Delevin
Model Kara Delevin nafaqat modellik, balki kino sohasida ham o‘z o‘rnini topgan mashhurlardan biri. Uning birinchi roli “Anna Karenina” filmidagi malika Sorokina obrazi edi. Kara birinchi rolini ijro etgan paytda qiyinchilikka duch kelgani haqida so‘zlab bergan.
“Kara, sharmanda qilishni bas qil, chiroyli ko‘rinishga harakat qil. Bu o‘zgacha edi, chunki model har doim kamera qayerda ekanligini eslab turishi kerak. Biroq aktrisa buni unutishi kerak”, — deydi aktrisa.
Biroq shunga qaramay, u tomoshabinlarning qalbini zabt etishga muvaffaq bo‘ldi va debyutidan keyin tez-tez ekranlarda paydo bo‘la boshladi.
Lili-Rouz Depp
Lili filmografiyasida muvaffaqiyatsizlikka uchragan “Kumir” serialidan tashqari, ko‘plab loyihalarda suratga tushgan. U bir necha yillardan buyon filmlarda faol ishtirok etmoqda. Aktrisa serial premyerasidan so‘ng, aktyorlik mahorati yaxshilanganini ta’kidlagan.
“Men hech qachon bunchalik ijodiy ilhomlanmaganman va buni suratga olish jarayonlarida boshqa joylardan ko‘ra ko‘proq o‘rganganimni his qilyapman. Biz juda ko‘p improvizatsiya qildik, bu kulguli edi. Men ko‘p narsani o‘rgandim, professional darajada o‘sdim, yaxshi aktrisa bo‘ldim”, — deydi aktrisa.
Gollivud yulduzi Jonni Deppning qizi Lili-Rouz Depp ham aslida model. U tez-tez dunyoga mashhur jurnallarning muqovalariga suratga tushadi va moda namoyishlarida qatnashadi.
Izoh (0)