Америкалик актриса Натали Портман турмуш ўртоғи, раққос Миллпе билан 11 йиллик турмушидан кейин ажрашди, деб хабар бермоқда “Корреспондент.нет” нашри.
Хусусан, Миллпенинг 25 ёшли экофаол Камил Этен билан хиёнатидан сўнг, ижтимоий тармоқ фойдаланувчилари машҳур жуфтликнинг ажрашишини муҳокама қила бошлади. Бироқ манбалар актриса ажрашишга тайёр эмаслигини, оиласини сақлаб қолиш учун кураш олиб боришини маълум қилган.
“Ишқий муносабатлар пайдо бўлгандан сўнг, жуфтлик турмуш қуришга ҳаракат қилди, бироқ ҳозир улар боши берк кўчага тушиб қолган”, — дейди инсайдер. Актриса ҳам, унинг турмуш ўртоғи ҳам бу ҳақда расмий баёнот бермаган.
Натали Портман — АҚШ ва Исроил фуқаролигидаги актриса, фильм продюсер, сценарийнавис ва режиссёр. У бир карра Академия мукофоти ва икки карра “Олтин глобус” мукофоти соҳибаси ҳисобланади. Натали Портман 1981 йил 9 июнда Қуддусда шифокор ва актриса оиласида туғилган. Унинг ота-онаси асли яҳудий бўлиб, Натали туғилишидан олдин Молдовадан Исроилга келган.
У 2010 йилда турмуш ўртўги Миллпе билан унаштирилган. Жуфтликнинг икки нафар: Алеф исмли 11 ёшли ўғли ва олти ёшда бўлган Амалия исмли қизи бор. Актриса фаолияти давомида “Леон”, “Юлдузлар жанги”, “Совуқ тоғ” ва бир қанча лойиҳаларда суратга тушган.
Изоҳ (0)