Фаолиятини моделликдан бошлаб, сўнгра кино оламига қадам қўйган актрисалар талайгина. Қуйида шулардан баъзилари ҳақида маълумот берамиз.
Галь Гадот
Галь Гадот муваффақиятли актрисалик карьерасидан олдин машҳур модел бўлган ва ҳатто “Исроил гўзали—2004” унвонига сазовор бўлган. Актриса бир неча йил давомида мода намойишларида қатнашганидан сўнг, унга “Квант туҳфаси” фильмида суратга тушиш таклиф қилинди. Модель ушбу лойиҳада Жеймс Бонднинг севгилиси ролини ўйнади. Аввалига Гадотнинг бу соҳага иштиёқи йўқ эди, бироқ у ўзини синаб кўришга қарор қилди.
“Мен уларга ҳуқуқ ва халқаро муносабатлар факультетида таҳсил олаётганимни айтдим. Актриса бўлиш учун жуда жиддий ва ақллиман, инглиз тилидаги сценарийни эса умуман ёқтирмасдим”, — дейди актриса.
Кастинг юлдузи охир-оқибат муваффақиятсизликка учради, бироқ катта кино оламида машҳурликка эришишга муваффақ бўлди ва турли лойиҳалардаги ролларни фаол равишда синаб кўришни бошлади.
Милла Йовович
Милла қизил сочли Лилу ролидан олдин моделлик мактабида ўқиган. У 12 ёшидан бошлаб лойиҳаларда фаол иштирок этди ва ҳатто ўзи орзу қилган мартаба учун мактабни ташлаб кетди. Бироқ, тақдир бошқача қарор қилди. Йововични 20 ёшдан ошганида “Бешинчи элемент” фантастик жанговар фильмида суратга тушишга таклиф қилишди. Айнан ушбу лойиҳа Милланинг машҳурликка эришишига ёрдам берди.
Кэмерон Диас
Кэмерон мактабда ўқиб юрган пайтда, синфдошлари томонидан камситилди. Актрисанинг синфдошлари унинг ташқи кўриниши, озғинлиги ва бўйи баландлигини туфайли масхаралаган. Бироқ, бу нафақат унинг машҳур, балки йирик моделлик бизнесининг бир қисми бўлишига ҳам ёрдам берди. Кэмерон 16 ёшида биринчи шартномасини имзолади.
Кэмерон беш йил давомида машҳур брендларнинг “юзи”га айланди. Бироқ у 21 ёшида “Ниқоб” комедик фильмида рол ўйнашга қарор қилди. Бу ишни амалга ошириш у учун осон бўлмади. У 12 марта режиссёрларга муносиб актриса эканлигини исботлаши керак эди. Лойиҳа премьерасидан сўнг, актриса продюсерлар эътиборига тушди.
Рози Хантингтон-Уайтли
Рози Хантингтон-Уайтли — сўнгги йилларнинг энг муваффақиятли моделларидан бири. Розига генетикаси омад келтирди: тўла лаблар, узун оёқлар, катта кўзлар, буларнинг барчаси Хантингтон-Уайтлининг юқори даражадаги моделга айланишига ёрдам берди. Бироқ, Рози ташқи кўриниши нафақат генининг, балки ўз ҳаракатларининг натижаси эканлигини айтган.
“Ўзимга бўлган ишончни оширишга мунтазам жисмоний машқлар ёрдам беради. Бу кунни муваффақиятли бошлашнинг калити: сиз ўз танангизга эътибор қаратасиз, у учун яхши иш қиласиз ва бошингиздан тартибсизлик ва кераксиз фикрлар чиқиб кетади”, — дейди модел.
Рози нафақат моделлик бизнесида ажойиб муваффақиятларга эриша олди, балки кино ҳам унинг ижодий салоҳиятини юксалтирган майдонга айланди. У бир нечта муваффақиятли кастинглардан сўнг бу сферани ёқтириб қолди. Бундан ташқари, у асосий соҳаси ҳисобланган моделликда ҳам фаолият юритади.
Кара Делевинь
Модель Кара Делевинь нафақат моделлик, балки кино соҳасида ҳам ўз ўрнини топган машҳурлардан бири. Унинг биринчи роли “Анна Каренина” фильмидаги малика Сорокина образи эди. Кара биринчи ролини ижро этган пайтда қийинчиликка дуч келгани ҳақида сўзлаб берган.
“Кара, шарманда қилишни бас қил, чиройли кўринишга ҳаракат қил. Бу ўзгача эди, чунки модел ҳар доим камера қаерда эканлигини эслаб туриши керак. Бироқ актриса буни унутиши керак”, — дейди актриса.
Бироқ шунга қарамай, у томошабинларнинг қалбини забт этишга муваффақ бўлди ва дебютидан кейин тез-тез экранларда пайдо бўла бошлади.
Лили-Роуз Депп
Лили фильмографиясида муваффақиятсизликка учраган “Кумир” сериалидан ташқари, кўплаб лойиҳаларда суратга тушган. У бир неча йиллардан буён фильмларда фаол иштирок этмоқда. Актриса сериал премьерасидан сўнг, актёрлик маҳорати яхшиланганини таъкидлаган.
“Мен ҳеч қачон бунчалик ижодий илҳомланмаганман ва буни суратга олиш жараёнларида бошқа жойлардан кўра кўпроқ ўрганганимни ҳис қиляпман. Биз жуда кўп импровизация қилдик, бу кулгули эди. Мен кўп нарсани ўргандим, профессионал даражада ўсдим, яхши актриса бўлдим”, — дейди актриса.
Голливуд юлдузи Жонни Деппнинг қизи Лили-Роуз Депп ҳам аслида модел. У тез-тез дунёга машҳур журналларнинг муқоваларига суратга тушади ва мода намойишларида қатнашади.
Изоҳ (0)