To‘y marosimini tashkil qilish har qanday kelin-kuyov uchun bosh og‘rig‘i bo‘lishi mumkin, ammo qirollik oilasi a’zolari haqida gap ketganda, bir qator qo‘shimcha qoidalarni hisobga olish zarur.
![](/static/MyCollages (36).jpg)
To‘yga qirolichadan ruxsat olish kerak
1772-yildagi Qirollik nikohlari to‘g‘risidagi qonunga ko‘ra, turmush qurishni rejalashtirayotgan qirollik oilasining har bir a’zosi qirolichaning shaxsiy ruxsatini olishi kerak. Albatta, bu nikohdan oldin amalga oshirilishi lozim.
Kelin maxsus ta’lim olishi kerak
![](/static/728x546_1_b686a5afcd86f732ec624e66078b0545@910x683_0xac120003_9869010361606659995.jpg)
To‘yga ruxsat berilgan bo‘lsa, kelin qirollik oilasiga kirish uchun tayyorgarlik kurslarini o‘tashi kerak (agar u tug‘ilgandan boshlab oila a’zosi bo‘lmasa). Kurs odob-axloq qoidalari, protokol bilan tanishish va hatto o‘zini himoya qilish bo‘yicha mashg‘ulotlarni o‘z ichiga oladi: kuchaytirilgan xavfsizlikka qaramay, qirol oilasi a’zolari o‘zlarini himoya qila olishlari kerak. Sassekslar haqida kitob yozgan jurnalistlar Omid Skobi va Kerolin Duranning so‘zlariga ko‘ra, Megan bu mashg‘ulotlarni tezlashtirib o‘rganishiga to‘g‘ri kelgan — u e’tiborni juda ko‘p tortgan, ba’zida unga tahdidlar ham bo‘lgan.
To‘y ko‘ylagi tasdiqlanishi lozim
To‘y libosi ham qirolicha bilan kelishilgan bo‘lishi kerak. Hazrati oliyalari libos tikilishdan oldin eskizlarni ko‘rib chiqadi. Albatta, ko‘pincha bu bosqich muammosiz o‘tadi, chunki dizaynerlar ham, kelinning o‘zi ham to‘y obrazining barcha asosiy protokol talablarini bilishadi.
Faqat ingliz dizaynerlari tikkan libos bo‘lishi kerak
![](/static/MyCollages (35)-1.jpg)
Qirollik kelinlari mahalliy dizaynerlar tikkan to‘y libosini kiyishi shart. Shunday qilib, malika Diana Elizabet va Devid Emanuelning libosida, Keyt Middlton Sara Bertonning libosida, Megan Markl esa Kler Ueyt Keller yaratgan ko‘ylakda mehrobga borgan.
Diademani ham qirolicha tanlaydi
Albatta, kelin uchun erkinlik illyuziyasi yaratiladi: u qirollik xazinasiga olib boriladi va bir nechta variantlar ko‘rsatiladi. Biroq bundan oldin Yelizaveta II shaxsan o‘zi kolleksiyalar ichidan diadema tanlab bergan. Qirollik protokoliga ko‘ra, to‘y marosimida kelin yoki turmush qurgan ayol diadema taqish huquqiga ega.
Maxsus oltindan yasalgan uzuk
![](/static/728x546_1_f22f6dc7f3cb8d976dc7a64f8025ce27@997x748_0xac120003_14439340061606660451.jpg)
Kelin va kuyovning nikoh uzuklari, albatta, Uels oltinidan yasalgan bo‘lishi kerak. Bundan tashqari, uni bezatish uchun ishlatiladigan quyma oltin qirolicha tomonidan kuyovga shaxsan sovg‘a qilinishi lozim.
Kelin guldastasidagi sirli gul
Qirollik kelini o‘zining sevimli gullaridan guldasta yasashi mumkin, ammo bir narsa talab qilinadi: omad uchun qo‘shilgan mirta novdasi. Bu an’ana 1958-yilda qirolicha Viktoriya qizining to‘yidan boshlangan.
Yodgorlikka guldasta qo‘yish kerak
Qirollik kelinlari oddiy to‘ylarda bo‘lgani kabi guldastasini otmaydi. Ular uni tantanali ravishda Nomsiz askar qabriga qo‘yishadi. Bu an’anani qirolicha onasi Yelizaveta Bouz-Lyon kiritgan.
Rasmiy fotograf
![](/static/728x546_1_042aa874324b152665ca9b9aa65e6a7e@1833x1375_0xac120003_10887954491606660730.jpg)
Qirollik oilasi a’zolarining to‘ylari ko‘plab kameralar qurshovida bo‘ladi. Ammo kelin-kuyov Bukingem saroyini rasmiy suratga oladigan shaxsiy fotograf yollashlari kerak.