Бейонсе ўз мухлислари учун ҳамма нарсага тайёр. Хонанда АҚШдаги концерт дастури ноқулай об-ҳаво сабабли кечиктирилди ва у мухлисларига қулай бўлиши учун метрога қўшимча иш соати учун 100 минг доллар тўлади.
5 август куни хонанда Бейонсе Вашингтонда мухлисларига концерт дастурини тақдим этди. Америка пойтахтидаги ноқулай об-ҳаво гастрол сафарига ўзгартиришлар киритилишига сабаб бўлди. Шундан кейин Бейонсенинг саҳнага икки соат кечикиб чиқиши маълум бўлди. Бу вақт давомида мухлислар уни сабр билан кутишди ва об-ҳаво ноқулайликлари сабаб стадион “навеслари” остига яширинишди.
Кечқурун кучли ёмғир ҳақида огоҳлантириш эълон қилинди ва Бейонсенинг режалари хавф остида қолди.
“Дарвоза ташқариси ва машиналар тўхташ жойидаги томошабинлардан машиналарига қайтишлари, стадион ичидаги барча томошабинлардан эса кейинги огоҳлантиришгача ёпиқ залларда ва пандусаларда яширинишлари сўралади. Сабр қилганингиз учун раҳмат”, — дейилади хабарда.
Хонанда режаларни ўзгартирган ва ўн минглаб мухлислар тадбирдан сўнг уйларига бемалол етиб олишлари учун метронинг иш соатини узайтирган. Бейонсе барча харажатларни ўз зиммасига олди — метронинг қўшимча иш соати унга 100 000 долларга тушди, бироқ тур бу маблағни қоплай олди.
Юзга яқин метро бекати очиқ бўлган ва кириш FedExField стадионига энг яқин жой — Морган булвари орқали амалга оширилган. Концертга ташриф буюрган барча мухлислар ҳеч қандай муаммосиз уйларига қайтишга муваффақ бўлган.
Ҳатто табиат ҳам хонандага ўз режасини амалга оширишга тўсқинлик қила олмаган.
Изоҳ (0)