Президент Шавкат Мирзиёев тавсияси билан Бағдод туманидаги 5 нафар ёшлар университет ва институтга ўқишга қабул қилинди. Бу ҳақда Фарғона вилояти ҳокимлиги хабар берди. Маълум қилинишича, Олий таълим, фан ва инновациялар вазири Иброҳим Абдураҳмонов шахсан ўзи бориб, президент тавсияси билан ўқишга давлат гранти асосида қабул қилинган талабаларга сертификатларни топширган.
Ҳокимлик хабарида президентнинг бундай эътибори бутун маҳалла аҳлини, ота-оналарни беҳад мамнун этгани ёзилган.
“Олий таълим, фан ва инновациялар вазири Иброҳим Абдураҳмонов ва олий таълим муассасалари ректорлари мазкур маҳаллада бўлиб, давлат раҳбарининг тавсияси асосида ёшларга давлат гранти асосида ўқишга қабул қилингани ҳақидаги сертификатларни топширди. Президентнинг бундай эътибори бутун маҳалла аҳлини, ота-оналарни беҳад мамнун этди”,— дейилади манба хабарида.
.jpg)
Қайд этилишича, президент тавсияси асосида
- Давлатой Қўрчиева Қўқон давлат педагогика институти,
- Ойгул Саминжонова Тошкент давлат молия институти,
- Омадбек Турғунбоев Тошкент давлат стоматология институтининг бакалавриат йўналишига,
- Ҳожиаҳрор Ғиёсиддинов Фарғона давлат университети,
- Дилёрахон Турғунбоева Тошкент давлат педагогика университетининг магистратура босқичига ўқишга қабул қилинган.
Аввалроқ Президент Шавкат Мирзиёев 27—28 июль кунлари Фарғона вилоятига ташриф буюрганди.
Изоҳ (0)