“O‘zgidromet” hafta davomida qanday ob-havo bo‘lishini ma’lum qildi

“O‘zgidromet” haftalik ob-havo prognozini e’lon qildi.

Unga ko‘ra, 7–8-avgust kunlari respublika bo‘yicha harorat asosan 30-35 daraja, shimolda, janubda va cho‘l hududlarda 37-39 darajagacha bo‘lgan nisbatan salqin ob-havo saqlanib turadi. Farg‘ona vodiysi viloyatlarida, shuningdek, bugun kunning ikkinchi yarmida Toshkent viloyati bo‘yicha ba’zi joylarda qisqa muddatli yomg‘ir yog‘adi, momaqaldiroq bo‘lishi mumkin.

Ayrim joylarda shamol tezligi chang-to‘zon bilan 13-18 metr/sekundgacha kuchayishi mumkin.

Hafta o‘rtasida O‘zbekiston bo‘yicha havo asosan kam bulutli bo‘ladi, yog‘ingarchilik kutilmaydi. Havo harorati ko‘tariladi va 35-37 daraja atrofida, janubda va cho‘l hududlarda 38-39 darajagacha bo‘ladi.

Hafta oxiriga kelib, harorat foni yana 2-3 darajaga pasayadi.

Toshkentda 7-avgust kuni havo o‘zgarib turadi, kunning ikkinchi yarmida qisqa muddatli yomg‘ir yog‘ishi, momaqaldiroq bo‘lishi mumkin.

Harorat 30-32 daraja bo‘ladi. 8–11-avgust kunlari havo biroz bulutli bo‘ladi, yog‘ingarchilik kutilmaydi. Harorat 8-avgustda 32-34 daraja, 9–11-avgustda 34-37 daraja bo‘ladi.