“Ўзгидромет” ҳафта давомида қандай об-ҳаво бўлишини маълум қилди

“Ўзгидромет” ҳафталик об-ҳаво прогнозини эълон қилди.

Унга кўра, 7–8 август кунлари республика бўйича ҳарорат асосан 30-35 даража, шимолда, жанубда ва чўл ҳудудларда 37-39 даражагача бўлган нисбатан салқин об-ҳаво сақланиб туради. Фарғона водийси вилоятларида, шунингдек, бугун куннинг иккинчи ярмида Тошкент вилояти бўйича баъзи жойларда қисқа муддатли ёмғир ёғади, момақалдироқ бўлиши мумкин.

Айрим жойларда шамол тезлиги чанг-тўзон билан 13-18 метр/секундгача кучайиши мумкин.

Ҳафта ўртасида Ўзбекистон бўйича ҳаво асосан кам булутли бўлади, ёғингарчилик кутилмайди. Ҳаво ҳарорати кўтарилади ва 35-37 даража атрофида, жанубда ва чўл ҳудудларда 38-39 даражагача бўлади.

Ҳафта охирига келиб, ҳарорат фони яна 2-3 даражага пасаяди.

Тошкентда 7 август куни ҳаво ўзгариб туради, куннинг иккинчи ярмида қисқа муддатли ёмғир ёғиши, момақалдироқ бўлиши мумкин.

Ҳарорат 30-32 даража бўлади. 8–11 август кунлари ҳаво бир оз булутли бўлади, ёғингарчилик кутилмайди. Ҳарорат 8 августда 32-34 даража, 9–11 августда 34-37 даража бўлади.