Yaponiyaning RoomPa ko‘chmas mulk agentligi dunyodagi eng kichkina studiya-kvartirani ijaraga bermoqda. Medialeaks agentlikning YouTube kanalidagi e’longa e’tibor qaratdi. Ushbu studiya oyiga 41 ming iyena yoki 290 dollarga ijaraga beriladi.
Studiya Tokioning Nerima tumanida joylashgan. E’londa nafaqat kichkina kvartira, balki u joylashgan tor uy ham hayratlantiradi.
Uchburchak shakldagi kvartiraning maydoni 11 kvadrat metrni tashkil etadi. Kiraverishda rakovina va bitta komforkali plita o‘rnatilgan. Yashash maydoni 5 kvadrat metrli xonadagi yagona mebel— osma shkaf hisoblanadi. Studiyada, shuningdek, kichkina yuvinish xonasi ham bor.
Kvartiraga hojatxonani joylashtirishning imkoni bo‘lmagan. Hojatxonaga borish uchun xonadan tashqariga chiqish va tepaga ko‘tarilish kerak bo‘ladi.
Mavzuga doir
×![Lightbox Image]()
Izoh (0)