Япониянинг RoomPa кўчмас мулк агентлиги дунёдаги энг кичкина студия-квартирани ижарага бермоқда. Medialeaks агентликнинг YouTube каналидаги эълонга эътибор қаратди. Ушбу студия ойига 41 минг иена ёки 290 долларга ижарага берилади.
Студия Токионинг Нерима туманида жойлашган. Эълонда нафақат кичкина квартира, балки у жойлашган тор уй ҳам ҳайратлантиради.
Учбурчак шаклдаги квартиранинг майдони 11 квадрат метрни ташкил этади. Кираверишда раковина ва битта комфоркали плита ўрнатилган. Яшаш майдони 5 квадрат метрли хонадаги ягона мебел— осма шкаф ҳисобланади. Студияда, шунингдек, кичкина ювиниш хонаси ҳам бор.
Квартирага ҳожатхонани жойлаштиришнинг имкони бўлмаган. Ҳожатхонага бориш учун хонадан ташқарига чиқиш ва тепага кўтарилиш керак бўлади.
Мавзуга доир
×![Lightbox Image]()
Изоҳ (0)