Germaniyalik ayol dunyodagi eng ko‘p Barbi qo‘g‘irchoqlari kolleksiyasi bilan rekord o‘rnatdi
Germaniyalik ayol Bettina Dorfmann o‘zining ilk Barbi qo‘g‘irchog‘ini 1966-yilda olgan, endilikda u Ginnessning rekordlar kitobiga kiritildi. Uning kolleksiyasidan 18 500 ta Barbi qo‘g‘irchog‘i o‘rin olgan.
Ayol 1993-yildan boshlab qo‘g‘richoqlarni kolleksiya qilishga jiddiy kirishgan. Aytgancha, Bettinaning birinchi qo‘g‘irchog‘i Barbi emas, uning eng yaqin dugonasi Midj bo‘lgan.
“Men qo‘g‘irchog‘im uchun ko‘ylaklar tanlay olardim. Uyda qolganimda do‘stlarim menikiga kelishardi, biz birga qo‘g‘irchoq o‘ynardik”, — deydi 62 yoshli ayol.
34 yoshida ayol o‘zining 30 ta barbi qo‘g‘richog‘idan iborat kolleksiyasini qizi Melissaga sovg‘a qilgan. Biroq ayolning qizi onasining qo‘g‘irchoqlariga qiziqmadi. Bettinada esa aksincha qo‘g‘irchoqlarga bo‘lgan qiziqishi tobora ortib bordi.
Foto: YouTube
Hozirda Bettinaning kolleksiyasida 1959-yilda ishlab chiqarilgan ilk Barbi qo‘g‘irchog‘i ham mavjud. Ushbu qo‘g‘irchoq Amerikadagi xalqaro o‘yinchoqlar yarmarkasida ishtirok etdi.
Bettinaning aytishicha, birinchi Barbi hozirgi qo‘g‘irchoqlarga qaraganda og‘irroq, chunki u quyma plastikdan ishlangan. Mattel seriyasidagi ikkinchi va uchinchi Barbining narxi 10 ming yevrodan qimmatroq hisoblanadi.
Hozirgi kunda ayolning kolleksiyasida 18 mingdan ortiq turli qo‘g‘irchoqlar mavjud. Uning uyida 5000 dan 8000 gacha Barbi bor. Ularning ayrimlari omborxonada saqlanadi, qolganlari esa muzeylarga qo‘yilgan.
Izoh (0)