Tashqi ishlar vazirligi axborot xizmati odam savdosi qurboni bo‘lgan qancha fuqaro O‘zbekistonga qaytarilganini ochiqladi.
Unga ko‘ra, chet elda qiyin vaziyatlarda qolgan, masalan, odam savdosi qurboni bo‘lgan, yoki ishsiz, boquvchisiz qolganlar va boshqa murakkab ahvoldagi 523 nafar fuqaro vatanga qaytarildi, 113 nafari vaqtincha saqlash muassasalaridan olib chiqildi. Pasporti ish beruvchilar tomonidan noqonuniy tarzda olib qo‘yilgan 133 nafar O‘zbekiston fuqarosiga shaxsini tasdiqlovchi hujjatlar qaytarib olib berildi.
Yanvar–iyun oylarida Jismoniy va yuridik shaxslardan umumiy hisobda
- 60 528 ta murojaat kelib tushgan bo‘lib,
- ulardan 18 259 tasi vazirlik Konsullik-huquqiy departamentiga,
- 42 269 tasi esa chet eldagi vakolatxonalarga kelgan.
Barcha murojaatlar ko‘rib chiqilib, ular bo‘yicha o‘z vaqtida tegishli konsullik-huquqiy yordam ko‘rsatildi.
O‘tgan olti oy mobaynida 60 744 nafar chet el fuqarosiga O‘zbekistonga kirish vizalari berilgan, shundan 32 477 tasi elektron tarzda rasmiylashtirilgan.
Izoh (0)