Andijon viloyati Qo‘rg‘ontepa tumani prokurorining xizmat uyini jihozlash uchun tuman hokimligi 45,3 million so‘m pul ajratgan. Bu haqda tuman hokimining qarori “E-qaror” saytida eʼlon qilingan.
Qarorga ko‘ra, uyni jihozlash uchun Qo‘rg‘ontepa hokimining zaxira jamg‘armasi hisobidan mablag‘ ajratish ko‘zda tutilgan.
Qo‘rg‘ontepa tumani hokimi vazifasini vaqtincha bajarib turuvchi Eldorbek Yunusov qarorni imzolagan.
Xurshid Abduvahobov joriy yilning mart oyida Qo‘rg‘ontepa tumani prokurori sifatida ish boshlagan.
Iyul oyi boshida prezident Shavkat Mirziyoyev Investitsiya muhiti qoniqarsizligi sababli Qo‘rg‘ontepa tuman hokimi Elyorbek Nabijonovni ishdan olgan edi. 2021-yilning avgust oyida tuman prokurori Sardor Rajabboyev uyida obodonlashtirish xodimlarini majburan ishlatayotgani uchun bo‘shatilgandi.
Izoh (0)