Buxoro viloyati Vobkent tumanida qalbaki dollarlar muomalaga kiritilishining oldi olindi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.
Unga ko‘ra, holat Bosh prokuratura huzuridagi departamentning Vobkent tuman bo‘limi tomonidan DXX va IIB xodimlari bilan hamkorlikda o‘tkazilgan tezkor tadbirda aniqlangan. Fuqarolar Q.R. va A.N. qalbaki 10 000 AQSH dollarini fuqaro X.R.ga 5 000 AQSH dollariga sotishga kelishib, unga jami 83 dona 100 AQSH dollarilik qalbaki banknotlarni bergan. Qolgan qismini tez kunda yetkazishini aytib, 5 000 AQSH dollarini olgan vaqtda ashyoviy dalillar bilan ushlangan.
Mazkur holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)