Toshkentda harbiy xizmatni o‘tayotgan samarqandlik yigit vafot etdi

Toshkent shahriga kelib, muddatli harbiy xizmatni o‘tayotgan samarqandlik yigit vafot etdi. Bu haqda “Millar” dasturida xabar berildi. 

Ma‘lum bo‘lishicha, 1999-yil aprel oyida tug‘ilgan yigit Samarqand viloyati Urgut tumanidagi “Mingtepa” mahallasida yashagan. U poytaxtdagi harbiy qismlardan birida muddatli harbiy xizmatni o‘tayotgan bo‘lgan. 27-iyun kuni esa askar 24 yoshida kasallik tufayli vafot etgani aytildi. Biroq marhumning oila a‘zolari bundan shubhalanayotganini bildirdi. 

“Ukangizning mazasi yo‘q, kelmasangiz bo‘lmaydi, deb komandiri telefon qildi. 24-kuni tushlikdan keyin gaplashgan edik. Sog‘lig‘idan shikoyat qilmagandi. Shifokor ko‘karib ketgan holatda keldi, deyapti. Pnevmoniya tashxisi qo‘yilgan. Komandirlari birdaniga o‘zidan ketib qoldi, deyishdi. O‘zidan ketib qolish jarayoni, harbiy shifoxonadan videotasvir kerak bizga. Shuni qidiryapmiz. Salomatligida hech qanday shikoyat bo‘lmagan. Ukamning tanasida shilinib ketgan joyi bor, rasmga olganmiz. O‘z ajali bilan o‘lmaganda. Bizdan yashirishyapti. Yuz sohasida barmoq izi bor, og‘izni ichida yirtilish bor. Ukamga kuyovlik nasib etmadi”, — deydi marhumning akasi.

Harbiy prokuratura bergan ma‘lumotga ko‘ra, hozirda holat yuzasidan Toshkent harbiy prokuraturasi tomonidan tergovga qadar tekshiruv harakatlari olib borilmoqda. Tekshiruv harakatlari nazoratga olingan.