Xorazm viloyati Xiva shahrida joylashgan bozorda yirik yong‘in chiqqani haqida xabar berilgan edi. FVV axborot xizmatining ma‘lum qilishicha, yong‘in bartaraf etilgan.
Unga ko‘ra, “Xiva Universal kiyim-kechak bozori” hududida sodir bo‘lgan yong‘in soat 19:25 da o‘rab olinib, soat 20:10 da bartaraf etildi. Yong‘in natijasida taxminan 1000 kv.m maydonda konteyner va yengil tipdagi savdo rastalari yonib zararlangan.
Yong‘inni bartaraf etishga 12 ta yong‘in-qutqaruv ekipaji va 9 ta suv tashishga mo‘ljallangan avtomobillar jalb etilgan. Hodisa oqibatida fuqarolarni kuyish tan-jarohatini olish va halok bo‘lish holatlari to‘g‘risida maʼlumotlar kelib tushmadi.
Hozirda yong‘in sababi va moddiy zarar miqdori aniqlanmoqda. Voqea joyiga viloyat hamda tuman FVB rahbar xodimlari yetib borgan.
Izoh (0)