Qashqadaryo viloyati Dehqonobod tumanida Qizil kitobga kiritilgan o‘simlikni kesganlar tabiatga 370 mln so‘mdan ziyod zarar yetkazdi. Bu haqda Ekologiya vazirligi axborot xizmati ma‘lum qildi.
Unga ko‘ra, Dehqonobod tumanida tuman Ekologiya bo‘limi ishchi guruhi tomonidan tezkor reyd tadbiri o‘tkazildi. Reyd davomida “Sebatli” massivi hududida tadbirkorlik subyekti tomonidan 753 tup tojik kavragi o‘simligiga zarar yetkazilganligi, ildiz qismlari kavlanib, kesilganligi aniqlandi.
Ma‘lumot uchun, tojik kavragi O‘zbekiston Qizil kitobiga kiritilgan.
Holat natijasida o‘simlik dunyosiga jami 372 million 735 ming so‘m zarar yetkazilgan. Hozirda holat yuzasidan tegishli hujjatlar to‘planib, prokuraturaga yuborildi.
Izoh (0)