Sog‘liqni saqlash vazirligi axborot xizmati shoshilinch tibbiy yordam tizimida telemeditsina orqali qancha bemor davolanganini ochiqlandi.
Unga ko‘ra, yilning o‘tgan 5 oyi davomida teletibbiyot orqali 200 marotaba (2022-yil shu davriga nisbatan 80 taga ko‘p) bog‘lanishlarda 800 ta maslahat, 16 ta konsilium, 27 ta namoyish operatsiyalari o‘tkazildi. Natijada 900 nafarga yaqin bemorni yashash joyida davolash imkoniyati yaratildi.
Shuningdek, markazlar faoliyatiga ilg‘or xorijiy davlatlardan ekspertlar jalb qilingan holda zamonaviy menejment tizimini takomillashtirish, sohaga yangi innovatsion davolash va diagnostika usullarini joriy etishni jadallashtirish, ilmiy-amaliy hamkorlikni keng yo‘lga qo‘yish ishlari muntazam tashkil etilmoqda. Jigar transplantologiya yo‘nalishi bo‘yicha Hindiston va Turkiya markazlari bilan, neyroxirurgiya yo‘nalishida Yaponiya, xirurgiya bo‘yicha Ozarbayjon markazi bilan amaliy ishlar boshlab yuborildi.
Yil yakunigacha markazning hududiy filiallarida intervension amaliyotlar yo‘lga qo‘yiladi. Natijada 9 turdagi yangi jarrohlik va diagnostika usullari amaliyotga tatbiq qilinadi.
Izoh (0)