Gollivud aktyori Jeyson Momoa suv ostiga tushib, akulalar to‘dasi bilan birga suzdi. U Instagram’dagi sahifasiga bu holat aks etgan videoni joylashtirdi.
“Akvamen” filmi yulduzi Mananalu Water nomli butilkali suv ishlab chiqarish kompaniyasiga ega. O‘tkir tishli baliq bilan suzish — plastmassadan yasalgan idishlardan foydalanishga qarshi aksiyaning bir qismi hisoblanadi.
Jeyson muxlislariga okeanga chiqindi tashlash undagi o‘simliklar va baliqlarga qanday zarar yetkazishini ko‘rsatib bermoqchi bo‘lgan.
“Men akulalar bilan suzaman. Hozir biz Taitidamiz. Men okeanlarimizni va chiqindi poligonlarimizni toza saqlash kerakligini eslatmoqchiman”, — deydi Momoa.
Ma’lumot uchun, Jeyson Momoa 1979-yilning 1-avgust sanasida AQSHda tug‘ilgan. Aktyor karyerasini 1998-yilda model sifatida boshlagan. U kinodagi faoliyati davomida “Taxtlar o‘yini”, “Akvamen”, “Forsaj-10” va boshqa filmlarda suratga tushgan.
Izoh (0)