Aslida, farzandlarning ota-onasiga o‘xshashi tabiiy hol. Ammo ba’zan ular suvning ikki tomchisi kabi bir-biriga o‘xshashadi. Mashhurlar orasida ham farzandi o‘ziga quyib-qo‘ygandek o‘xshashlari bisyor.
Uill va Uillou Smit
Aktyorning qizi mashhurlik borasida otasidan qolishmaydi. Uillou Smit xit treklar muallifi va g‘ayrioddiy sahna chiqishlari bilan muxlislarning e’tiboriga tushgan. Uill Smitt farzandlarini faol qo‘llab-quvvatlaydi:
“Whip My Hair loyihasining o‘rtasida u gastrol safarida bo‘lib, ajoyib shoularni namoyish qildi. Biz dunyoning eng yuqori cho‘qqisiga chiqqandek bo‘ldik”, — deydi aktyor 2019-yilda bergan intervyularining birida.
Don Jonson va Dakota Jonson
Dakota Jonson go‘zalligi uchun otasiga qarzdor. Ular birgalikda ko‘plab loyihalarda suratga tushgan. Hozirda Dakota O‘rgimchak ayol roliga tayyorgarlik ko‘rmoqda, Don Jonson esa “Jamoa” jangovar filmini suratga olish bilan band.
Gvinet Peltrou va Eppl Peltrou
Gollivud aktrisasi Gvinet Peltrouning qizi o‘ziga ikki tomchi suvdek o‘xshaydi. Hozirgi kunda Eppl Peltrou moda sohasida faoliyat yuritadi, uning onasi esa onlayn do‘konlar biznesini yo‘lga qo‘ygan.
Liza Bone va Zoi Kravits
Bu juftlikni egizak opa-singillarga o‘xshatish mumkin. Zoi Kravits mashhurlik bo‘yicha onasini ortda qoldirdi. U “Betmen”, “Fantastik hayvonlar” va boshqa mashhur franshizalarda rol o‘ynagan. Liza Bonening aktyorlik karyerasi 2017-yildan beri to‘xtab qolgan.
Jonni Depp va Lili Rouz Depp
Qiyin xarakter va jozibali ko‘rinishga ega Lili Rouz Depp otasining izidan bordi. Ota va qiz atrofidagi janjallarga qaramay, mashhurlik cho‘qqisini zabt etmoqda. Yaqinda Jonni Depp “Janna Dyubarri”ni, Lili esa “Kumir” teleserialini muxlislariga taqdim etdi.
Billi Rey Sayrus va Mayli Sayrus
Ota va qiz “Xanna Montana” loyihasida birga suratga tushdi va ularning ijrosi tomoshabinlar tomonidan yaxshi baholandi. Hozir musiqachilar Billboard Hot 100 da rekordlarni yangilamoqda. Mayli Sayrus Flowers treki bilan platformadagi kuchli beshlikdan joy oldi. Billi Rey Sayrus esa Lil Nas X bilan birga yozgan Old Town Road qo‘shig‘i tufayli 2019-yilda chartning eng yuqori pog‘onasiga ko‘tarildi.
Vensan Kassel va Deva Kassel
Vensan tez orada “Uch mushketyor: Miledi” jangovar filmida suratga tushadi, Deva esa “Betakror yoz” dramasida debyut qiladi.
Devid Bekxem va Bruklin Bekxem
Bruklin tashqi ko‘rinishidan otasiga juda o‘xshaydi. Biroq u otasi kabi ishiga mehr bilan yondashmaydi. Hozirda Devid Bekxem biznes bilan shug‘ullanadi, Bruklin esa Nikola Pelts bilan baxtli hayot kechirmoqda.
Izoh (0)