Аслида, фарзандларнинг ота-онасига ўхшаши табиий ҳол. Аммо баъзан улар сувнинг икки томчиси каби бир-бирига ўхшашади. Машҳурлар орасида ҳам фарзанди ўзига қуйиб-қўйгандек ўхшашлари бисёр.
Уилл ва Уиллоу Смит
Актёрнинг қизи машҳурлик борасида отасидан қолишмайди. Уиллоу Смит хит треклар муаллифи ва ғайриоддий саҳна чиқишлари билан мухлисларнинг эътиборига тушган. Уилл Смитт фарзандларини фаол қўллаб-қувватлайди:
“Whip My Hair лойиҳасининг ўртасида у гастрол сафарида бўлиб, ажойиб шоуларни намойиш қилди. Биз дунёнинг энг юқори чўққисига чиққандек бўлдик”, — дейди актёр 2019 йилда берган интервьюларининг бирида.
Дон Жонсон ва Дакота Жонсон
Дакота Жонсон гўзаллиги учун отасига қарздор. Улар биргаликда кўплаб лойиҳаларда суратга тушган. Ҳозирда Дакота Ўргимчак аёл ролига тайёргарлик кўрмоқда, Дон Жонсон эса “Жамоа” жанговар фильмини суратга олиш билан банд.
Гвинет Пэлтроу ва Эппл Пэлтроу
Голливуд актрисаси Гвинет Пэлтроунинг қизи ўзига икки томчи сувдек ўхшайди. Ҳозирги кунда Эппл Пэлтроу мода соҳасида фаолият юритади, унинг онаси эса онлайн дўконлар бизнесини йўлга қўйган.
Лиза Боне ва Зои Кравиц
Бу жуфтликни эгизак опа-сингилларга ўхшатиш мумкин. Зои Кравиц машҳурлик бўйича онасини ортда қолдирди. У “Бетмен”, “Фантастик ҳайвонлар” ва бошқа машҳур франшизаларда рол ўйнаган. Лиза Боненинг актёрлик карьераси 2017 йилдан бери тўхтаб қолган.
Жонни Депп ва Лили Роуз Депп
Қийин характер ва жозибали кўринишга эга Лили Роуз Депп отасининг изидан борди. Ота ва қиз атрофидаги жанжалларга қарамай, машҳурлик чўққисини забт этмоқда. Яқинда Жонни Депп “Жанна Дюбарри”ни, Лили эса “Кумир” телесериалини мухлисларига тақдим этди.
Билли Рей Сайрус ва Майли Сайрус
Ота ва қиз “Ханна Монтана” лойиҳасида бирга суратга тушди ва уларнинг ижроси томошабинлар томонидан яхши баҳоланди. Ҳозир мусиқачилар Billboard Hot 100 да рекордларни янгиламоқда. Майли Сайрус Flowers треки билан платформадаги кучли бешликдан жой олди. Билли Рей Сайрус эса Lil Nas X. билан бирга ёзган Old Town Road қўшиғи туфайли 2019 йилда чартнинг энг юқори поғонасига кўтарилди.
Венсан Кассель ва Дева Кассель
Венсан тез орада “Уч мушкетёр: Миледи” жанговар фильмида суратга тушади, Дева эса “Бетакрор ёз” драмасида дебют қилади.
Дэвид Бекхем ва Бруклин Бекхем
Бруклин ташқи кўринишидан отасига жуда ўхшайди. Бироқ у отаси каби ишига меҳр билан ёндашмайди. Ҳозирда Дэвид Бекхем бизнес билан шуғулланади, Бруклин эса Никола Пельтц билан бахтли ҳаёт кечирмоқда.
Изоҳ (0)