Kanada Bosh vaziri Jastin Tryudo transatlantik xavfsizlik va Ukraina uchun qo‘shimcha yordam sifatida 541 million dollar ajratilishini e’lon qildi. U 2023-yil 12-iyulda Vilnyusda bo‘lib o‘tgan NATO sammitida shunday bayonot berdi.
"Sammitda Bosh vazir Ukrainani qo‘llab-quvvatlash va transatlantik xavfsizlikni kuchaytirish uchun yangi moliyalashtirish va loyihalar uchun 541 million dollar ajratilishini e’lon qildi. Ukraina uchun yangi moliyaviy yordam Kanadaning 2022-yil boshidan beri ko‘rsatib kelayotgan ko‘p qirrali 8 milliard dollardan ortiq mablag‘iga asoslangan", — deyiladi Kanada hukumati saytidagi xabarda.
Qayd etilishicha, mamlakat Ukrainani harbiy texnika bilan ta’minlash va mudofaa uchun zarur bo‘lgan harbiy mashg‘ulotlarni tashkil qilishda davom etadi.
Shu bilan birga, Tryudoning so‘zlariga ko‘ra, Kanada Ukraina iltimosiga ko‘ra harbiy yordamni kengaytirish va dronlar uchun qo‘shimcha kameralar taqdim etishni rejalashtirmoqda.
Izoh (0)