Kanada bosh vaziri Jastin Tryudo Ukrainaga e’lon qilinmagan tashrifi chog‘ida Kiyevga qo‘shimcha harbiy yordam va’da qildi, deb xabar berdi CTV.

CTV materialiga ko‘ra, kanadaliklar Ukrainaga 288 ta AIM-7 raketasi, 10 000 ta 105 millimetr kalibrli snaryadlarni jo‘natmoqchi, shuningdek, ukrainalik uchuvchilarni G‘arb jangovar samolyotlarini boshqarishga o‘rgatishda qatnashmoqchi.

Avvalroq, Kanada bosh vaziri Jastin Tryudo e’lon qilinmagan tashrif bilan Kiyevga kelgani xabar qilingandi. 

U safarini Rossiya bosqinida halok bo‘lganlar xotirasiga bag‘ishlangan Mixaylv monastiridagi Xotira devoriga gulchambar qo‘yishdan boshladi. Shuningdek, Ukraina prezidenti Vladimir Zelenskiy bilan uchrashib, Oliy Radada nutq so‘zladi. 

Bu Tryudoning urush boshlanganidan beri Ukrainaga ikkinchi tashrifi. O‘tgan safar u 2022-yil may oyida kelgandi.