Канада Бош вазири Жастин Трюдо трансатлантик хавфсизлик ва Украина учун қўшимча ёрдам сифатида 541 миллион доллар ажратилишини эълон қилди. У 2023 йил 12 июлда Вильнюсда бўлиб ўтган НАТО саммитида шундай баёнот берди.
"Саммитда Бош вазир Украинани қўллаб-қувватлаш ва трансатлантик хавфсизликни кучайтириш учун янги молиялаштириш ва лойиҳалар учун 541 миллион доллар ажратилишини эълон қилди. Украина учун янги молиявий ёрдам Канаданинг 2022 йил бошидан бери кўрсатиб келаётган кўп қиррали 8 миллиард доллардан ортиқ маблағига асосланган", — дейилади Канада ҳукумати сайтидаги хабарда.
Қайд этилишича, мамлакат Украинани ҳарбий техника билан таъминлаш ва мудофаа учун зарур бўлган ҳарбий машғулотларни ташкил қилишда давом этади.
Шу билан бирга, Трюдонинг сўзларига кўра, Канада Украина илтимосига кўра ҳарбий ёрдамни кенгайтириш ва дронлар учун қўшимча камералар тақдим этишни режалаштирмоқда.
Изоҳ (0)