Bir necha yildan beri AQSHda yashab ijod qilib kelayotgan reper Shahriyor 34 yoshida bo‘ydoqlik bilan xayrlashdi. U 11-iyul kuni Nurangiz ismli qizga uylandi. Shahriyor va Nurangizning nikoh kechasi Samarqand shahridagi restoranlardan birida o‘tkazildi. To‘yga o‘zbek shou-biznesining ko‘plab taniqli vakillari tashrif buyurdi.
Ma’lumot uchun, Shahriyor 1989-yilning 15-aprelida Samarqand shahrida tug‘ilgan. U “Seni ko‘rdim”, “Isming yuragimda”, “Do‘stmisan”, “Uzilgan aloqa” kabi qo‘shiqlari bilan mashhur bo‘lgan. Reper, shuningdek, bir nechta filmlarda ham suratga tushgan. “Tashlandiq” filmidagi bosh roli uni aktyor sifatida ham tomoshabinlarga tanitgan. Shahriyor shaxsiy hayotini sir saqlaydigan san’atkorlar sirasiga kiradi.
Izoh (0)