Голливудда хавфли трюкларни амалга оширишда каскадёрлар ёрдамидан фойдаланадиган актёрлар кўп. Бироқ уларнинг орасида мухлисларининг эътирофига сазовор бўлиш учун ҳеч қандай хавфдан қўрқмайдиган, ақл бовар қилмас трюкларни ўзи бажарадиган актёрлар ҳам бор. Europa Plus нашри шу каби актёрлар ҳақида маълумот берди.
Киану Ривз
Камтарлиги билан машҳур бўлган Киану Ривз жанговар саҳналарни, мотоцикл билан боғлиқ, юқоридан пастга сакраш трюкларини каскадёрларнинг ёрдамисиз амалга оширади. Унинг фикрича, актёр бундай трюкларни ўзи бажариши керак — бу унинг иши. У “Матрица” фильмининг суратга олиш пайтида осмонўпар бинодан тахминан 20 марта сакраб тушганини айтган. Машинани охирги тезликда ҳайдаш ҳам унинг учун муаммо эмас.
“Трюкларимнинг 90 фоизини ўзим бажараман, чунки мен томошабинлар билан боғланишга ҳаракат қиламан”, — дейди Ривз.
Том Круз
Том Крузнинг трюкларига қараб, беихтиёр унинг миясида қўрқув йўқми, деб ўйлайсиз. Қандай қилиб самолётнинг эшигидан ушлаб учиш мумкин? Осмонўпар бинодан қочиш, сув остида нафасни 6 дақиқа ушлаб туриш, мотоциклда трамплиндан тубсизликка сакраш, актёр буларнинг барчасини бажарган. Актёр айрим трюкларини бажаришда ҳимояланмаган. Экстремаллик актёрга завқ беради.
“Аввалига бу трюк сизни асабийлаштиради, бироқ кейин фақат илҳомлантиради. Бундай суратга олиш жараёнлари пайтида табассумимни зўрға ушлаб тураман ”, — дейди актёр.
Шарлиз Терон
Балет машғулотлари билан шуғулланиш актрисага ўз ишида ёрдам беради. У эпизоднинг белгиланган хореографиясига қатъий риоя қилиниши керак бўлган жанговар саҳналарда ўзини ишончли ҳис қилади. Терон “Шаддод малласоч” лойиҳасининг суратга олиш майдончасида 7 дақиқалик жанговар саҳнани ўйнади. У зинапоя бўйлаб кўп эркакларни тарқатиб юбориши ва биринчи бўлиб зинапоядан пастга тушиши керак эди. Эпизод шу қадар қийин кечдики, оператор камерани каскадёр координаторига топширди, у ҳам актриса билан бирга сакраб, югуриб, йиқилиб тушди.
Шарлизнинг ўзига бўлган ишончи жуда кучли. У “Италянча иш” фильмига тайёргарлик кўриш пайтида қуйидаги фикрларни билдирган.
“Мен йигитларга қараганда олти ҳафта кўпроқ машқ қилдим. Бу адолатдан эмас. Жаҳлим чиқди ва: ‘Яхши, келинглар, бу ўйинни ўйнаймиз’, дедим. Менинг вазифам энг зўр бўлиш эди”, — дейди актриса.
Жош Хатчерсон
Кентуккилик йигит уйини сотиб олган кумирлари Жейк Жилленхол ва Хит Леджер каби ўзини ишга бағишлайди. “Очлик ўйинлари” ва “Ер марказига саёҳат” фильмларининг суратга олиш майдончасида бу жуда кўп кучни талаб қилди, бироқ натижа яхши бўлди.
Кристен Стюарт
“Сумерки”дан кейин Кристен Стюарт “тош юзли қиз” номини олди. У хейтерларга эътибор бермайди ва ишни жуда профессионал тарзда бажаришда давом этади. У “Сумерки”даги барча хавфли саҳналарни ўзи ўйнашга ҳаракат қилган.
Жейсон Стетҳем
Стетҳем пул эвазига Гай Ричи билан шахмат ўйнашни ва кинода каскадёрлик қилишни яхши кўради. Сувга шўнғиш машғулотлари давомида у ўз танасини бошқаришни ва танани тушунишни ўрганди. Жейсон қандай трюкларни қила олишини ва қила олмаслигини билади (бундай трюклар деярли йўқ).
“Чегарасиз-3” фильмининг суратга олиш жойида Стетҳем машина билан денгизга тушиб кетди. Агар унинг ўрнида бошқа актёр бўлганида, ҳаммаси фожиа билан якунланган бўларди, бироқ актёр учун бу қийин кечмади.
“Мен спорт билан шуғулланганман. Кимдир актёрлик бўйича ўқиган, мен эса қарийб 20 йил каскадёрлик бўйича ўқиганман. Буни ўтказиб юборманг. Мен ҳам ҳамма каби қўрқаман. Бироқ ўзимда ваҳима пайдо бўлишига йўл қўймайман. Баъзида қўрқув фойдали — бу туфайли адреналин ишлаб чиқарилади ва бу трюкларни бажаришга ёрдам беради”, — дейди актёр.
Дэниел Крейг
Жеймс Бонд нафақат ақлли, балки ёмон инсонларга қарши курашиш учун ҳам кучли бўлиши керак эди. Дэниел Крейг Пирс Броснандан ролни қабул қилиб олгандан сўнг, кўплаб трюкларни бажаришга имзо чекди. Кадрда муштларини органик равишда силкитиш учун актёр собиқ денгиз пиёдаси Саймон Уотерсон билан машқ қилди. Ўқув дастури ҳар бир янги фильм учун мослаштирилди. Бир эпизодни суратга олишда Крейг зарбадан қутула олмади ва иккита тишини йўқотди. Бироқ регби мактабида таҳсил олган актёр бундай жароҳатлардан қўрқмайди:
“Отам спортчи бўлишимни орзу қиларди. Мен регбини жуда яхши ўйнардим, деярли профессионал даражада эдим ва кейинчалик футбол билан шуғулландим. Ўша ерда елкамни жароҳатлаб олдим, бу ҳамон мени безовта қилмоқда”, — дейди актёр.
Жеки Чан
Актёр ўзи амалга оширган барча трюкларни эслай олмайди, чунки у жуда кўп қийин вазифаларни бажарган. Жеки Чан кинога рол ўйнаш учун чақирилмайди: режиссёрлар лойиҳага экшенни қўшиш учун гонконглик актёрдан фойдаланади. Актёр ҳаво шаридан сакраб тушган, шишали осмонўпар бинодан пастга югурган, юк машиналари остида роликли конкида учган. У ҳар бир фильмда кураш олиб борган.
Жекининг танасида бирорта ҳам синмаган суяк қолмаган ва суғурта компаниялари у билан ҳамкорлик қилишдан бош тортган. 2012 йилда у экстремал кинодан воз кечиш вақти келди, деб қарор қилди:
“Тўғрисини айтсам, мен энди ёш эмасман. Шунчаки ҳаётимни хавф остига қўймоқчимасман”, — дейди Жеки Чан.
Изоҳ (0)