Bugun, 9-iyul kuni O‘zbekistonda muddatidan avval prezidentlik saylovi bo‘lib o‘tmoqda. Mazkur siyosiy jarayonda nafaqat aholi, amaldorlar ham faollik ko‘rsatib, fuqarolik huquqidan foydalanmoqda. “Daryo” mazkur jarayonda ko‘rinish bergan hokimlar suratini jamladi.
Toshkent shahri hokimi Shavkat Umrzoqov poytaxtning Yunusobod tumanidagi 434-saylov uchastkasida bo‘lib, ovoz berish jarayonida ishtirok etdi.
.jpg)
.jpg)
Toshkent viloyati hokimi Zoir Mirzayev prezidentlik saylovida turmush o‘rtog‘i va nabirasi bilan birga ishtirok etdi.
Viloyat hokimi Nurafshon shahridagi 7-saylov uchastkasida bo‘lib, fuqarolik huquqidan foydalangan.
.jpg)
Surxondaryo viloyati hokimi Ulug‘bek Qosimov erta tongdan Termiz shahridagi 260-saylov uchastkasiga tashrif buyurib, o‘zi munosib deb topgan nomzodga ovoz berdi.
.jpg)
Qashqadaryo viloyati hokimi Murodjon Azimov ham saylovda ko‘rinish berib, jarayonga befarq bo‘lmay, faollik ko‘rsatayotganlarga minnatdorlik izhor qildi.
Hokimlik matbuot kotibi Ahror Sodiqovning “Daryo”ga bildirishicha, viloyat rahbari Qarshi shahridagi 4-saylov uchastkasida ovoz bergan.
Sirdaryo viloyati hokimi Akmaljon Mahmudaliyev Guliston shahridagi 15-saylov uchastkasiga tashrif buyurib, o‘zi munosib deb topgan nomzodga ovoz berdi.
Andijon viloyati hokimi Shuhratbek Abdurahmonov Andijon shahridagi 20-saylov uchastkasida bo’lib, prezidentlik saylovida ko‘rinish berdi.
Farg‘ona viloyati hokimi Xayrullo Bozorov Farg‘ona shahri “Shodiyona” mahallasida joylashgan “Ishga marhamat” monomarkazida tashkil etilgan 88-saylov uchastkasida ovoz berdi.
Jizzax viloyati hokimi Ergash Soliyev Jizzax shahridagi “Toshloq” mahallasida joylashgan 39-saylov uchastkasida bo‘lib, fuqarolik huquqidan foydalandi.
Navoiy viloyati hokimi Normat Tursunov bugun birinchilar qatorida Navoiy shahridagi 5-umumtaʼlim maktabida joylashgan 6-saylov uchastkasiga kelib, o‘zi munosib deb bilgan nomzodga ovoz bergan.
Buxoro viloyati hokimi Botir Zaripov Buxoro shahridagi 49-saylov uchastkasida ovoz berdi.
Qoraqalpog‘iston Respublikasi Jo‘qorg‘i Kengesi raisi Amanbay O‘rinbayev Nukusdagi 7-saylov uchastkasida oilaviy ko‘rinish berib, fuqarolik huquqidan foydalangan bo‘lsa, Qoraqalpog‘iston Respublikasi Vazirlar Kengashi raisi Farhod Ermanov esa Nukus shahridagi 83-saylov uchastkasida ovoz bergan.
Izoh (0)