O‘zbekistonning amaldagi prezidenti, Tadbirkorlar va ishbilarmonlar harakati — O‘zbekiston Liberal-demokratik partiyasidan prezidentlikka nomzod Shavkat Mirziyoyev 9-iyul kuni saylovda ovoz berdi.
U Toshkent shahridagi 59-saylov uchastkasiga oila a’zolari bilan birga tashrif buyurdi.
Bundan avval “Adolat”, Ekologik partiya va Xalq demokratik partiyasidan O‘zbekiston prezidentligiga nomzodlar oila a’zolari bilan saylovda ovoz bergandi.
Maʼlumot uchun, to‘rt nafar nomzod prezidentlik uchun kurashmoqda. Ular — Xalq demokratik partiyasidan Ulug‘bek Inoyatov, O‘zLiDePdan Shavkat Mirziyoyev, “Adolat” partiyasidan Robaxon Mahmudova hamda Ekopartiyadan Abdushukur Hamzayev. Saylovda g‘olib bo‘lgan nomzod prezidentlikka 7 yilga saylanadi. Bu haqda yangilangan Konstitutsiyada belgilab qo‘yilgan.
Izoh (0)