Chotqol davlat biosfera qo‘riqxonasiga qarashli Maydontol bo‘limi “Yaylovcha” hududida 8-iyul kuni yong‘in sodir bo‘ldi.
Ekologiya, atrof-muhitni muhofaza qilish va iqlim o‘zgarishi vazirligi Toshkent viloyati boshqarmasining ma’lum qilishicha, FVV, IIV, Ekologiya, atrof-muhitni muhofaza qilish va iqlim o‘zgarishi vazirligi tomonidan shtab tuzildi hamda yong‘in bartaraf etildi.
Ushbu holat yuzasidan o‘rganish ishlari yakuniga yetgach, natijalari bo‘yicha qo‘shimcha maʼlumot beriladi.
Iyul oyining boshlarida Toshkent viloyati Piskent tumanidagi o‘rmonzorlarda yong‘in sodir bo‘lgandi. Holat yuzasidan Jinoyat kodeksining 198-moddasi (ekinzorlarni, o‘rmonlarni, daraxtlarni yoki boshqa o‘simliklarni shikastlantirish yoxud nobud qilish) va 207-moddasi (mansabga sovuqqonlik bilan qarash) bilan jinoyat ishi qo‘zg‘atilgan. Bosh prokuratura tomonidan mazkur jinoyat ishi tergovi ustidan nazorat o‘rnatilgan.
Izoh (0)